edmilia.tk <body> </body> google-site-verification=Xz06IR0Fyb2MKO7FygwFviEwK6XKl7AUITzo_UlSHGQ الـــحــب الحب أجمل ما يوجد في هذه الحياة بدون الحب لا توجد حياة فالحب أسمى معاني الحياة وللحب أشكال كثيرة ومعاني أكثر لكن أروعه حب الأبوين حب الأم وحب الأب فلولا هذا الحب لما وجد الحب أصلا
   
  عصافير
  أبو الويو
 


أبــــــو الـويــو

المحامي

عماد عبد الرحيم الماجدي

(أبـو الويـو) اشمالك انت ؟ ـ گال إسأل وآنه اجـيـب

گِتله ليش الحيله عندك ـ گال روح اسأل طبيب

الطبـُع مو بيدي آنه ـ طـَبعـي أبـْداً مـُو غـريب

منـّك اتـعلـم الحيله ـ صَـلِـف (بنيادَم) يصيـب

ياكِل افلوس اليتامى ـ ايريد من عِـدهم نصيب

لو جعت آكل ( دجاجه ) ـ أحمد الله اوماأخيـب

وانت خويه اتريد تلغـف ـ البشر حتى (الدبيب)

والمَـثل عـدنـَه يصبّه ـ مـُرضه ماعِـدنـَـه طبـيب

صبي وابكل كِتر ضايع ـ عِمـَت عيني اعله الغريب

عِمـَت عيني اعله اليتامى

نامـَوْ اوما كِلـَوْ كِـلشي ـ حتى لو (مجـْعة حلـيب)

وانت جاي اتگـلـّي (واوي) ـ واوي ماياكل سليـب

(أبـو الويـو) اشمالك انت ؟ ـ گال إسأل وآنه اجـيـب

***

روح إسأل عَ الشباب ـ تاه و(الحادي) يـِغِـدرَه

نشـَغ ويلي اوفتح صدرَه ـ راسه من همـّـه يشيب

فرَج الله اوراح يطلب ـ قِـسمه من (ماري) اونصيب

آنه (واوي) اوهاذ طبعي ـ أفـترس آنه الغـريـب

آنه (واوي) ورْد َاگولـن

عمت عيني اعله النثايه ـ عِمـَت عيني اعله البنات

راحن الِحــرّات ولكـُم ـ (ذيـب) جايع يـَمـّه (شاة)

(اغراب) بيكم صار يحدي ـ (ثعلب) الـعِـدكم عجيب

هـذي (طرگاعه) يصبّه ـ صبـّي بالغـُـربه غِـريـب

عِـمـَت عيني اعليك خويه ـ صبـّي تِـتوسـَد اتــْـراب

عِـفِـت إلمن گِـلـّي ولدك  ـ تِـلعي خويه امن الـعـَذاب ؟

جـِـعِـت يـَبـْـني إلـَـك (هيّي) ـ أمـر (ماري) الـكِل يصيب

(مـَجمـَع ) اوبيه ( الثعالب ) ـ ثـعـلب ، الـْـثعلب نِـسيـب

ادعينه خـو كلهه (الثعالب) ـ جِـِـبـْنـَه وياهـم طبيب

( أبو الويو) آنه أديـره ـ  ليش (بـنيادم) نِـجـيـب ؟

(أبـو الويـو) اشمالك انت ؟ ـ گال إسأل وآنه اجـيـب

***

غِـرگـَت اعيوني ابدمعهه

أوكـَتـّـت ابخـَـدي بـَـريــد

گـِلِـت هالـْجـاي البعـيـد ـ گِـمِت أتـْـنطـّر گِـريب

مامِش احـّـد إجه منهم ـ لاالبعـيـد اولا الحبيب

ثاري كلهم خويه غربه ـ و( الثعالب) ماتخـيـب

رَدّ ( ابوالويو) اوسِألني ـ مالِـگـيت الـْكـُم طبيب ؟

ويلي عالـْدِمعـَت اعيونه

لكــن ادمُـوعـه تِـخـونـَه

طِفل صبي جابه (ثعلب) ـ بـعـَد ماطِلعت اسنونـَه

طفلل يضحك بين غـربه ـ إيـريد ولكم فـَرد لعـبـَه

إجـَه(الحادي) إيـريد منـّه ـ ع الضِحِك وايـريد نِسـبه

بِـچـه ( الواوي) اوعاف لحمه ـ إجـَه اوياه ايريد أمـّه

طِـلع ياصبـّه ( يتيم) ـ وامـّـه بالحـَسره تـضـمـّـه

ثاري ياصبـّه (يتيم) اوگام صبـّي النـّوب سـَبـّـه

ماعرف شنهي الشتيمـَه ـ شـال عينه اونِدَب ربـّـه

و(بو الويو) الدمـعه كـَتـّـت ـ شالـَه حـطـّـه ابطِـّن عِبـّه

اوصرخ ، يبچـي ـ راح يزحف ـ راح شمهه اوصاح لعبه

اعتذر منهه اوحضنهه ـ اونار گبـّت حـَدر ضلعه

اوگبـّـت اعيونه ابدمعهه فرد گـبـّـه

اوسِـأل (ثعلبنه) الـِحِرسـهه ـ ليش هذا الصبي سـَبـّـه ؟

ضحك (ثعلبنه) الحكيم ـ اوگام ع الصبـّه خطيب

آنـَه حـاديكم يصبه ـ إسـْـألـُو ، آنـه الـْمـُجـيب

***

طِـلـَع خويه الطفل صبي

بـُرخ خويه او صاح (هيي) ـ گال (بوثة ْ هيي ربي)

گال (مبروخ اشمه) خويـه ـ اوصاح ولـكـُم آنـَه صبـّـي

اورجـع يحبي اودار وجهه ـ اوگال ياصبه إگِـعـدو

هـَلي الصبـّـه ليش نِـمتـو ؟

ضعتو ويلي اوضاع من عِـدكـُم حبيب

أردَ ادزّلـكم طبيب ـ الدين يالصبـّه الطبيب

گال اروح اويه (الثعالب) ـ سـمِـَـع ثعلبنـه اللبيب

(فـَروته) گام او نزعهه ـ اولفلف الصبي الغريب

اتـقـاسم اويـَـه الطفل أكلـَه ـ اوحطله من عِـنده زبيب

التمت اعليه الثعالب ـ (مؤتمر) عِـقـدَو قريـب :

هذا (صبّي) انـريـد أكلـَه

شـو وحـيـد اومامِـش اهلـَـه

لحمي گال اكلوه خويه ـ ماأخـون آنه الـغريــب

هذا طـَبـْع ( الـويو) خويه ـ مو أمـُـر هذا عجيب ؟

كافي مـو صرنـَـه ثعالب ـ  والثعيلب شَعـره من عِدنه يشيب ؟

(أبـو الويـو) اشمالك انت ؟ ـ گال إسأل وآنه اجـيـب

ضحك (ثعلبنه) الحكيم ـ اوگام ع الصبـّه خطيب

آنـَه حـاديكم يصبه ـ إسـْـألـُو ، آنـه الـْمـُجـيب

 

 
  عدد زواراليوم 162722 visitors (342980 hits) مرحبا بكم  
المواضيع المنشورة لا تمثل بالضرورة رأي موقع عصافير، و إنما تمثل وجهة نظر كاتبيها
جميع الحقوق محفوظة لموقع عصافير
 
 
=> Do you also want a homepage for free? Then click here! <=
Bookmark and Share www.3safer.de.tl ,münchen, mandäer, irak 2010, صابئي , صيبي, مندائي, م, شعر عراقي, كاظم الساهر, حبو غزل, تعارف, طرب, افلام عربية, قصص, ابوذية, مسجات, ردح, اغاني, ص, ع, ا, ك, باجه, جاي و سمك مسكوف, دولمة, التكبر , التواضع , احبك, برازيليِ