edmilia.tk <body> </body> google-site-verification=Xz06IR0Fyb2MKO7FygwFviEwK6XKl7AUITzo_UlSHGQ الـــحــب الحب أجمل ما يوجد في هذه الحياة بدون الحب لا توجد حياة فالحب أسمى معاني الحياة وللحب أشكال كثيرة ومعاني أكثر لكن أروعه حب الأبوين حب الأم وحب الأب فلولا هذا الحب لما وجد الحب أصلا
   
  عصافير
  إذا إنـــــــــت
 

 

إذا إنـــــــــت
المحامي
عـمـاد عبد الرحيم الماجدي

أنـَه الـقايـد إسمْعو اوگال للناس ـ بـَعـْد الله الـقِـيادَه ليـه أبـرَك
إذا إنت تصير القدوَه للناس ـ عليك انت يعيني اتـقود نـَفسك
واذا إنت تريـد اتحط بالاسماء ـ عليك إنت تشوف احروف اسمك
واذا ترسِـم تريد اتحط بالالوان ـ لازم تفتهم ياعيني رسمك
واذا تنصح تريد الناس ياصاح ـ لازم تبتدي اوتنصح ابنفـسـَـك
واذا انت اكتبت ياصبي موضوع ـ اعرف خويه شنهي اشكتب قلمك
واذا إنت تريد العِـبره لهناك ـ إمشيـلـك شهـَـر لـتـْفـوج نهـْـرك
واذا تحچي ، عليك اتفـكـّر اهواي ـ لسانـَـك يمكن ايحلل الكتلك
واذا بيتك گزاز اصبر على الصارـ ترمي احجار شنهي ايصير أمرك
واذا عندك عِلـِم وابصدرك احـچـيه ـ شيفيد العلم لو سكن صَدرك
إذا إنت تِـصير القدوه للناس ـ عليك انت يعيني اتقود نفسك
*****
إذا إنـت اچـْذبـِت وَكتِ المناحات ـ تحصِـد بالچذب ياهو اليـِچـَّذبك
وگف غاضِب تِـأمـّل شـاهِـر السيف ـ گال آنـَه القيادَه اوراد كتـلـَك
للمَي تِسعـَى لو غـصيّت بالماي ـ تسعى الوين لو بالماي تِشرگ
حِملك مايشيله الغير هيهات ـ ثـگـله اعليك وانت اتشيل حملك
مايك لاتذبـّـه (اسْراب) لو لاح ـ خـلـّـه للعطش من غيره تهلك
كل (عالِم) يصبي اوفـوگه أعلام ـ لايغريك ابـَد فـَـد يوم علمك
سهمك من تريـد ابقوس ترميه ـ مايرجع بعـَد ، مَيـعود سهمك
عوض ماتِـلعن الظلمه اوتسبهَه ـ شمعه اشعل يخويه اتنير دربك
واذا تحچـي تريد اتـشيل غـيبات ـ تـوگـع فرد يوم اوبيهه تهلك
درب الـْـشين أعوج لاتِمشْ بيه ـ درب الخير أحسن ليك أسلك
إذا إنت تصير الـقـِـدوه للناس ـ يـِـتـْـوَجـّب اعـليـك اتـقـود نفسك
*****
سـَكـْـته والسكوت العاقِل ايگول : ذهـَب صافي السكوت ايصون أمنـَك
بـَرقِيـّات مامِش سِـكـتَوْ اردود ـ بـَعـَد أيام عيـطه ! إحمي إذنـَك
كافيكم شتم بالصبه ياناس ـ ماتسكت الناس اتنال عـرضك
عراض الصبّه وحدَه فكـّر اوياي ـ إخـتي لوحـِچيت اتصير أخـتك
مواضيعك تِـبـيـّن عقلك البيه ـ مواضيعك تره عنوان عقـلك
مازاد اوصحِـت بالصبّه مازاد ـ غريب انت عليهم شوف أصلك
(الشـط) مانكـَـر (جـرفه) فرد يـوم ـ أهلك صبّـتك وانكرت أهلك
تـحْـكمهم تريـد اوإنت محكوم ـ يصدرون الحكم انتظِـر ضدك
(محكمة الضمير) ابغير تمييز ـ حكمهه بالشرف ، مطعون حكمك
واحدهم گعـَد يكتب قرارات ـ حكمك لازم اتـنـَفذه اعله نفسك
لكن مابـَعـَد غِـيره بالِگـْـصَص ـ تِـعرگ مابـَعـَد ياوسفه گصتـك
إذا إنت تصير القِــــدوه للناس ـ يــِـتـْـوَجـّب عـَـليك اتـقـود نفسك


 
  عدد زواراليوم 164578 visitors (345050 hits) مرحبا بكم  
المواضيع المنشورة لا تمثل بالضرورة رأي موقع عصافير، و إنما تمثل وجهة نظر كاتبيها
جميع الحقوق محفوظة لموقع عصافير
 
 
=> Do you also want a homepage for free? Then click here! <=
Bookmark and Share www.3safer.de.tl ,münchen, mandäer, irak 2010, صابئي , صيبي, مندائي, م, شعر عراقي, كاظم الساهر, حبو غزل, تعارف, طرب, افلام عربية, قصص, ابوذية, مسجات, ردح, اغاني, ص, ع, ا, ك, باجه, جاي و سمك مسكوف, دولمة, التكبر , التواضع , احبك, برازيليِ