1  2   3   4    

آخ امن الهجــــــــــــــر !

المحامي

عماد عبد الرحيم الماجدي

آخ امـْن الهجـِـر من يحـْكـُم العِـشـّـاگ

يصـير ابـْـكِـل ضلع من الـجِـسـِم ونـّـه

من تِـلچـِم جـَرح تِثغـَـب وراه اجروح

يعاتِـب بالجـَرح يدري السبَـب مِـنـّه

والعِـشره التگول أنـساهه بالساعات

عِــشرة ْ(ماي) لِـلعـَطشان يــتـْدَنـّـه

واتـگول الدموع التِـنشف ابلحـْظات

خـَـلهه ادموع هجرك عَ الوجن حِـنـّـه

تحچـي او لاأبـَـد چـنـّـك عِـرفـْتِ الحب

ولا گـلـْبـك يـَعـيني لِـلعِـشِـگ غـَـنـّهْ

***

مامِش (حـُب) يعالم بالگـلب چـَـذّاب

لكن كل (گـلب) بالـنـّـوح يـِـتحـَنـّه

فِـنـجان العـشگ من يـِـمتلي ابآهات

گلبك مايرن ، تِسمـَع  يـدگ (خـَـنـّه)

أتـسـَـلـّـه ابعـَـذابك للگلب وارتـاح

أشـوفـَـنـّـك (ورد) وابروضه يتغـنه

أكِـتبنـّه (شِـعِـر) والـحَـرف ما ألگاه

ياعيب (القوافي) الـْماحـُوَت (فـَـنـّـه)

ماأمسـَح (دَمِـع) يـتغـَنـّه بالمحبوب

يكِـتـّن عَ الشفايـف تِحضِـن ابسِـنـّه

***

يـِعـت (ابـْتوت) گلبي اوهـَل تِـمـَرجـِحْ بيـهْ

يـحـْسـِبهه (الـْـتـَرف) من تِـنگِطِـع (مِـنـّـه)

أچـوچـي اعـْلـَـه الضلع واسأل عليك الناس

أحـومي اعـْـلـَه (الدرب) مـَمشاه أتـمنـََّه

(إسلوبك) ، عـَـذابـَـك للگـلـُب خـَـلــّيــه

عـَـذابي من (هـَـواك) احـساب لِـلـجـَـنـّه

مـاتِـذكر وردنه اوعِـِـطرَه من ايـفــوح

ادمُُــوع (الِـعِـشِـگ) بالـرّوح شِـتـْـلـَـنـّه

ماأتـْـعـَب (حـبيبي) ، والـتـَـعـب فـرگـاك

مـامِـش (ماي) لـو يـِـبـْـعِـد (جـُرُف) عـَنـّه 

آخ امـْن الهجـِـر من يحـْكـُم العِـشـّـاگ

يصـير ابـْـكِـل ضلع من الـجِـسـِم ونـّـه

 

 

بـــِـنـْـيـادَم

 

المحامي

عماد عبد الرحيم الماجدي

شوف الشجَر عالي للسِمَه فوَگ ـ تِشوف الوَرد ناصي اويحْبي يـَمّه

تِـنساه الـْـشَجـَـر ماجـنـّـه موجود ـ تركض عَ الوَرد خويه اوتِـشمـّه

مو كِـل شِجرَه تِنطي ليك الِـفـْياي ـ ولا اسْفوح الجبـل تِصعـَد القِـمـّه

من (جيبك) عُـمَـر تِـطـْـلعلـَـك اخوان ـ تِـتـْـكاتـَـل عليك اتصير لـَمـّه

لو (جيبك) فرغ خويه امن الفلوس ـ مثل مـَيّت تِـصير اوساح دمـّه

من تخلص شغِـلته اوياك ياحيف ـ مثل (عگرب) يلدغك نفض سَـمّه

صديقك لو تريـده اوياك ماشِـيه ـ جـَربـَـه اوزعِـلـّه اونوبات خـُمـّـه

لـو شفته صديق المال والـسـوء ـ عـوفـَـه اومايـفـيـد الـْمال غـُـمـّـه

رجـليك اويـِصيرَن ليك عِـدوان ـ من عند الـرجـِـل تِـصعـَد الـْحِـمـّـه

شوف الشجَر عالي للسِمَه فوَگ ـ تِشوف الوَرد ناصي اويحْبي يـَمّه

***

(بنـْيادم) سَهـِل من يصعـَد اجـبال ـ لكن فـَـنـّه لو يـُبقى اعـْـله قِـمـّـه

مثل نـَجـْم السِمَـه بالليـّل مَحـْلاه ـ أنِـشدك بالـْـنهار اتـْـشـوف نجـْمَه

دنياك اتـْعـَزف عَ الوكِت كل يوم ـ (نـَغمه) اتموت عاشت ألف نغـمَه

دنياتـَـك يخي ماتِسوَه (فِـلسان) ـ ولا اتـْساوي يخويه والله (نخـمـَه)

ولا أبـْداً يـِأمـّن بـيهَه إنـْـسان ـ تِـرَكـْسَـه من يـِـطـيحْ اتـْـزيـد هـَمـّـه

طبعـَـك يالبـَشر ويـّـاك مَـولود ـ يغـير الموت طـَبعـَه ايـْصيـر زلـْـمَه

من طبع الرجل حامض على الناس ـ خل يحفر (گبر) أحسَن يطمـّـه

لـو طبعك حلو واتـْساعـَـد الناس ـ مـاترضي الـَبشر واتـْصير نِـقـمـَه

حُـب الناس الله ايوصي وايگـُول ـ حـُب الـْـناس (مِـنـّي) إلـَك نِـعـْمَه

شوف الشجَر عالي للسِمَه فوَگ ـ تِشوف الوَرد ناصي اويحْبي يـَمّه

***

 

 

چـــَف الـمـيــــــزان

المحامي

عـمـاد عبد الرحيم الماجدي

أهلي الصابئة الأفاضل : إحذروا التكتيك الجديد في إستعمالهم زرع بذور التفرقة ، وأولها القول :

 صبـّة إيــــــران ، وصبـّة العـِـــــــــــراق ، وبعدها سيقولون صبـّة لندن ، أمريكا ، نيوزلندا ، كندا ، السويد ، ، هولندا ، دانمارك ، وسيعملون لكل مجموعة تعليمات ، ولكل مجموعة مذهب ، إحذروا ضربات معاول الهدم الجديدة ، السياسة ، إسم ، وفعلها ( ساسَ ) ، ومنه : ( ساسَ الخيـل ) ، الدين الصابئي الموحـّ الأول الرابع الحنيف دين ، وليس نظرية سياسية وضعية ، خذوا حذركم من مناخ السياسة ، فإنه غير ثابت على الإطلاق ، فقد تعيش يوما ، لترى فيه الفصول الأربعة  لسنة كاملة في هذا ليوم الواحد ، حذاري ، حذاري من التكتيك الــجديد ، حذاري من الإنتهازيـيـّـن ، والتوفيقيين ،  فهم كالمومس تذهب من يعطيهاً نقوداً أكـثـَـر ...! نـريد مواقف واضحة وعقائدية ، نظيفة وشريفة وعفيفة !

 

إخـوَه احنه اومامش كل فرقه ـ صبـّه احنه ابچف الميزان

صبـّه إحنه أوأخوه اوشرشانه ـ زاكي اوقيـّوم اورحمن

حذرو الفتنه ، خوتي الفِـتـنـَـه ـ رادَوْ تـفريــق الـْـخـوّان

(درفش صبّه) ، درفش واحِـد ـ مامِش (بـَغـداد او إيران)

الصبي واحِـد ياصبـّـه ـ وحده (الگـنزه) و (الـْـهمـْيان)

اللي ايفـرّق صبـّـة (هيّي) ـ موصبّي اوأصبح عـَمـيـان

(عـنبَـر) صبـّتنه اومابيهه ـ مابيهه (ادنان) او (تربان)

(سنبلنـَه) امأصـّل ياصبـّـه ـ بـغـداد اوتشبگ (طهران)

إحـْـذر يالصبّـي امن الفرقه ـ شايف (نار ابلا دخـّـان)؟

مامش عين اوتكره ضيهـَه ، مامش ماي ابلا (نهـْـران)

(إچحيلي ) اوضلعك ياصبي ـ (ازهيري الرايَه) اوعنوان

و(الدرفش) واحـِد يالصبـّه ـ عالي اوبيهم يـعـلـَـه الـْشان

والصبي لو عاف اشيوخه ـ تايـِـه ، ضايـــــــــع بالوديان

(اشيوخ الصبـّـه) ابگاع الله ـ بـيرغ مـَرفوع إبـْـ (ديوان)

(اشيوخ) او (خِـرزات السبحَه) ـ (نِعناع او روز اوريـحان)

إخـوَه احنه اومامش كل فرقه ـ صبـّه احنه ابچف الميزان

***

(أهل البدعـَه) ، اتـريـد الـْـفِـرقــَـه ـ ماخـافـَـوْ (الله الـديـّـان)

واحِدهم من زغـره (احويـقِـد) ـ وايغـُوغي ابحـَلـْگه الـذبـّان

(أهل البدعه) التزرع فِـرقـَـه ـ دين العِـدهـُم بـ (الشّـيـشان)

إحـذَر يالصبـّي او (فـُك عينك) ـ لتـْأمـن (ثعلب) عَ (الضـان)

لـتـْأمـّن (لـَحمك عِـد عِـتـوي) ـ واهـْـدومك عِـند (الفِـيـران)

لاتِـنـطِر (برحي امن الزهدي) ـ لو (ذيب ايصادق رعـْيـان)!

(إضباع) اتـحومي اعله (افطيسه) ـ و(البوم اوعِتوي اوغربان)

(بواذويل اوجنيّب اوعگرگ) ـ هاجـَت ع الصبـّـه (المردان)

رادَو ناكل (نـَـعجـَه اوبـِسرَه) بـ (الأحـّـد) ناكِـل (فـَـطـْـسان)

و(الأچبـَش) من ذاك اوهـذا ـ يـَردونـَه انرَجـعه ( النـْـفـگان)

يعني انـْرجـّع (بون الـْـسِـدني) ـ او(تــَنجانيـقـَـه الـعـَبـّـادان)

يـَردون (الأثيوبي انـبـَشـْره) ـ (أنصبغه) ، وايـفوح (اصنان)

و (الفنلندي) انگِـلـّـه اتفضـّل ـ أمريكي ، اوهِـندي ، اويابـان

بالصيـن (انـْـبشـّـر) يالصبـّه ـ مـَمنـُـوع (انـْـبشـّـر تـيــوان)!

و (الروسي ابّـرلين) انـْـصبـّغه ـ واشهود اثـنيـن (امريكان)

و(انبشـّـر تركي او إيـراني) ـ مـَولانـَـه ... اوبـفـْغانِستــان

(أهـل الـبدعه) گالـَو بـشْـرو ـ لاتِـنــْسـُـون (الـْـباكِـْـسْـتـان)

(هيي الأكبر) يـگـطِـل بيكم ـ (نِـص الـواحِـد موش اثـْنان)

لـو مايكـْـمـَل خـوتي (الرّهـْمي) ـ إنـْبـشـّر بـ (الـفاتـيـكـان)

ليش (ابـْـهاره) اوتخجل بنتي ـ ضاع (ابـتـر بـين البـِتـْران)

و (الغـُلفه) ادنيديـلـَـه اشمالك؟ ـ (الله الخالِـقهـَه اوغـَـلـطان)

كافـيكم مـوحـَمـّضتـُـوهـَـه ـ صارت ولكم (خان اجـغـان)

اتـريدونـَه انـوذّن بـ (الجامع) ـ تِمسـَح ابگصَصـْنـَه الرهبان

أخـوَه احنه اومامش كل فرقه ـ صبـّه احنه ابچف الميزان

 

 

 

 

عـــــــــزيــــــز 

ســــــــــــــــــــــــــــــــــــبـاهِـي

 

شمس لن تغـيب ، ونـَـجم لن يـأفـَـل

شـَرّفني بزيارته لى في مكتبي يوماً في بغداد / الصالحية ساحة جمال عبد الناصر ، في السبعينات على ماأظن ، أهدى لي كتابه الموسوم ( حياة لينين ) ، ولم أره بعد هذا اللقاء قـَـط ، واحتفظ برسالة منه لي بخط يده الجميل . أقرأ كل مايكتبه في وسائل الإعلام  ، قال في رسالته لي : ( يسرني أن تكون ممن يتابع ماأكتب .. وأحب أنك تقصد هنا بالذات مانشرته في المجلات المندائية ، أما مانشرته في غيرها فما أخالك قد قرأته ، فأنت حسب علمي، لست ممن يتابع المنابر اليساريـة )

قـَـبـّلـْت رسالته ، التي هي بين يدي الآن / اوتاوا 22/1/1996 ... وبكـيـت ...!

أطال الله عمرك ياخال ، وثلثين الولد من خالـَـه كما قيل ...! 

المحامي

عـماد عـبد الرحيم الماجدي

 

يـَسْباهي الوَرد إسمك ـ أعـمالـَـك تِـعِط عـنبـَـر 1

عـزيـز أو إسمك امن الـْعـز ـ والعِـز إنت يتبختـَـر2

الـزينات كلهَه اتگـول ـ نِـشهَد نكـتب ابدفـتـََـر

صيتـك نجمه للضايع ـ صبـّـه تِـشهـَد اوشـَمـّـر3

يـبو اسعود الصدگ والحق ـ يالكِلـّك فِـكِـر تـگطر4

ياصبّي وبن دينك ـ نشمي او(درفشك) يـفخـر5

نِـذرت الروح للوادم ـ ضلعك كل وكت مَعـبر

بعضهم يهدم الچالي ـ وانت ابچـفـك اتـعـمـّـر

إسمك خالدَه احروفه ـ أبـوك أوجَـدك الأشهَـر

(شبـْل الأسَـد) بعلومـَه ـ موكِلمن قـِــره ابدفـْـتـَـر

يـُموت الـْزين بس جسمه ـ تظِل روحه نجم يزهـِر

وايـْموت الردي ابروحـَه ـ جسمَـه امن الثخِـن ينطـَر

كِــلـْشي البالأرض يكبر ـ والإنـسان مايـُـكـبـَـر6

متواضع يـَمِـثــْـل الماي ـ من يسگي الأرض تِـبشـِـر

لكن (سبع) بعـْـلومـَـك ـ ع الحـق تِـرعِـد اوتِـزئـِر

وانت يا (عـزيز) الگـوم ـ شمس الگـوم من تحمـَر

دهـْرك للعلم ياخالي يـفـْنـيـه

يحطـّه ابوسط عينـَه اوبين يفـنيـه 7

إذا كـان الضحـَـك لِـلـْغـُـبـُن يـفـنيـه

عليمـَن نِضحـَـك ابـْشدّة بـلِــيـّـه

نِـذرت الروح لِـلمـَبـدأ ـ إنـْت (المـَبـْـدأ الأكـْـبـَـر)

سمعـت الوادم اتغـَـنـّي ـ (على الميمَـر على المـيمـَـر)7آ

لا (نخـل السماوَه) ايـحِـب ـ  على (اسميجـه) الهجر حـدّر8

ولا امظفر بـچـه اصويحب ـ يكـلـّـه اشمالك امطـبـّـر؟9

أربـَـع وَرد لِـثــْـمانيـن ـ عـُـمـْرَك لِـلـورد مـَـعـْطـَـر

***

أتـذكر گـعـَـدت اوياك ـ والگـعـْده ردِت تـِـثـمـُر10

تـِـتـذكر گِـلتـْـلي الـنـّوب ـ بالأبـرَه انـْحـفـُـر أنهـر ؟ 11

تِـتـذكـَر گِـلِـت خالي ـ نواعـير العِـشگ تِـفـتـر؟

تِـتـْـذكـَـر گلت فـَـد يوم ـ نجـْم البلسمـَه  يسْـهـَـر؟

تِـتـْـذكـَر گِـلِـت فلاح ـ لازم يــزرع اويـبـْـذر ؟

تِتـْـذكر گِـلت لازم ـ (مناجـِـل) كل أرض تحفـُـر ؟12

گلتلي (اصويحب) ايغـَـني ـ أگلك خالي هـَـم تِـذكر ؟

گلتلي (اصويحب)  ابگلبه ـ (چاكوچـه) يدگ معـْبـَر ؟

يغـَـني غِـنـْـوه لـِـلعـُمال ـ حـرالوطن والمنـبـَـر

مو گِـلـْتِ المـشانِـق دوم ـ مرجـُوحات بالـْـمحـْـشر ؟13

صحيح اتـْمرجحَـوْ بيهه ـ ورد الناس چـان احـْمـَر

(صبيح) الهِـتـَف من زغـرَه ـ (چاكوچه) حچه اويشعـَر 14

حَمامه اوحضنت افكاره ـ اوغصن خـضـّرعلى الـمَگــْـبر 15

و(المنجل) شبگ (صبري) ـ چـفنهم بالگـبـُر خضـّـر 16

زلِـم (جبار وخضير) ـ (أبو اصبيـّح)  حچه اوفـسـّـر 17

(وعـَـد واحـْديد ومروّه) ـ (غـريبه)  والفكـر مـَنـوَر 18

(عبد الله عـَـلگ ـ نـوشي)  ـ قـدّم رگــْبـِـتـَه المنحـَـر 19

(خلـَـفْ) ولـْدَه شموس اتـْشع ـ مضيف اودلــّتـَه اتـعـَمـّر 20  

صـَـبـّتنه نجـُـوم الليـل ـ تــلالي للـصبح لـوطـَـر

مـالـَـه اليحسِـد الـنـجمات مالـَـه

جـِـمـَع ماله اوحرس للمال مالـَـه

الـِـيخـَلــّـف فِـكِـر مامات مـالـَـه

جـِـبـَـل مهيوب واتخـافه الـمِنيـه

أصابع وبـْجـفـوف الإيـد ـ يـلِـبـْـهام إنـْـت والخِـنصر

يبو اسعـود النجم مَـيطـيح ـ لو طاح الــْـنجـِم نـِـخـسـَر

لـوعِـطشت يخـالي (الـكًــاع) ـ إنـت اتـْغـَـيـّم اوتـُمـْطـُـر

أربـَـع ورد لِـثـْـمانـيـن ـ عـُـمـْرَك لِـلـوَرد مـَـعـْطـَـر 21

يـَـخـالي الناس هالغـَنـَت ـ (على الميمَـر على المـيمـَـر)

لا (نخـل السماوه) انـْطـَـر ـ على (اسميچـه) الهَجر حَـدّر

ولا السياب ياخالي ـ يـُـموت اودنيِـتــَه اتـْمَـطـــّـر 

ولا امظفر بـچـه اصويحب ـ يكًـلـّـه اشمالك امطـبـّـر؟

***

يبـُـو ازياد الشجـر إنت ـ فـَـيْـهـَه إنت والمْـثــَمَّر

( فحل الـتوث ) بالبستان ـ هـيبـَه اوأبـَد مايـِـثمـُر 22

و(الزرزور) دومه ايخاف ـ (حصوَه) امن الطفل يـُـشمـُر23

و(الـباز) اليريد ايموت ـ شموخه ابموتِـتـَـه يظهـر

الـفيـل اشكبر جثـتـَـه ـ والنحله إهِـي الأشطـَـر

والبيته گــزاز ايريـد ـ يـرمي احجار وايكـسـّـر24

نار (الـتِـبن) بس لهـْبه ـ اونار (الصاج) تِـتجمـّـر

ورد (الشوك) خرنوبه ـ تشِـعله الناس واتشـمـّـر

لكن (وردة الجوري) ـ تـزهي ابـريحةِ الـعنبـَر

والـقدّاح عِـطره ايفوح ـ نشـِم ابنسمته اويفخـَـر

إنت (الرازقي) الـْـقـدّح ـ عِـطره ايفوح كل مـَعبـَر

يـبو الطيبات والزينات ـ تـعال اوشوف هاالمحضـر

كلهه انكشفت الصبـّه ـ مامش بينه الـِمدثــّـر

بيهه (الترشم اوتبرخ) ـ بيـهه التعـْبد اوتستِـر

بيهه الياخِـذ الفايـز ـ بيهه الـْيسرق اويسكـَـر

بيهه الطيّـب اونشمي ـ بيهه الأغـبر المغـتـر

بيهه ايرفع (الدرفش) ـ بيهه الـمارق الأبـْـتـر

بيهه الياكِل (الخنزير) ـ بيهه ايـحـَرّم الـمـُنكـر

بيهه الينطي بالبسـكوت ـ (زدقة مال) من يكثـر

رَسـتَه اومرگـِنه اودرفش عِـلـيـنـَه

صـَبّه و( العهد گـشـطـا ) عِـليـنـَـه

الـمـارق من وطـَه إحـنـَه عِـلـيـنـَه

نِـصـيـر انـجــوم باركـان الـثـريــّه

بيهه الينطي وايـْهـَوّس ـ يـريـد الناس بيه تـِشهـَر

ثِـمـانين اوزهور اربـَـع ـ إنـتَ الـخُـطبـَه والـمـَنـْبـَـر

يـَخـالي الناس هَـالغـَـنـَت ـ (على الميمَـر على المـيمـَـر)

لا (نخـل السماوه) انـْطـَـر ـ على (اسميچـه) الهَجر حـدّر

ولا امظفر بـچـه اصويحب ـ يگـلـّـه اشمالك امطـبـّـر؟

ولا السياب ياخالي ـ يـُـموت اودنيِـتــَه اتـْمَـطـــّـر25 

***

يـاخالي أريـد أحچي ـ گالَــَوْ هذا خـَـط احـْـمـَر

اگـلهُم بـَس اسمعوني ـ گـالـَو إحـچـي لا تـكـفـر

گِـلـتِـلهم يصبّه الناس ـ صـارَت تـامِـر اوتِـنهـَر

بيهه الـصام عن شيـنه ـ عليهه الأغـَـم هاليفطـر

بيهه اليعرف احگـوگـه ـ بيهه (اليلـْـفـَح) اويـُهـْبر

بيهه ايعيش بجـْبينـَه ـ (عرگ گـصتـَه) شرف يگـطِـر

بيهه ايعـيش عَ الباطِل ـ يـُبوگ اوينهب اويغـْدر

بيهه اليحترم نفسه ـ بيهه الـروحـَه مايـگـدَر

بيهه الـقـَـشمر الصبّه ـ تاليـهه يـظِـل قشـمـَـر

بيهه الجـلِف من يومـَه ـ يابِـس يحرگ الأخضر

بيهه الـيهـْدم ابدينـَه ـ بيهه الـْـيبني وايـْـعـَمـّـر

بيهه (الـياكِل) الصبّي ـ لحمَه اوعظمتـَه ايشمـّر

بيهه (بـَـلسم) اجروحك ـ يـِـهِـِل ابدمعِـته اوينطر

تـُربط أجرب ابصاحي ـ يـُمـْرض خالي وايخـنـچـر26

الأجـرب يريد الماي ـ نِـص الـنهـَـر يـِـتصور27

يـگـول الشاطي بيه اوساخ ـ وساخه اوبيه مايـگـدَر

بـ ( الداته ) اشكثر صِرنه ـ نِـسب اونشتم اونِـسخـَـر

يـگـول الصبّه (رجعيـّه) ـ نِـتـقـدم يـريد اكـثــَـر

كلهه صارت اتمجـّـد ـ تاريخ الـچـذب مـَسـطـَـر

يردس حـيل ماضايـگ ـ طـعنه ابظهره من خنجـر28

والضايـگ (بـزيل الفوح) ـ يـلف اعمامه يتـكـَـتـّـر

ماظن الشمس تِـنباگ ـ ولا ظِـن البـدر يـُـنـفـُـر

صبـّه اولاتظن من طيب نِـخـله

طحينك لو جنيته الـزوم نخلـَه

تعيش اوتحتيي واتموت نخـْـله

عـُمود البيت والبيـتـك رچـــيـّه

نِـتـعـَولم يـريـد الـنـّوب ـ نِـتـمـَـقرط اونِـتـْحـَضـّـر

أربـَــعْ فـوگ الِـثـْمانـيـن ـ وانت الـخـطبـَه والـمـَنـْبـَـر

يـَخـالي الناس هالغـَنـَت ـ (على الميمَـر على المـيمـَـر)

لا (نخـل السماوه) انـْطـَـر ـ على (اسميچـه) الهجر حـدّر

ولا امظفر بـچـَـه اصويحب ـ يگـِلـّـه اشمالك امطـبـّـر؟

ولا السيّاب ياخالي ـ يمـُوت اودنيتـه اتـْمَـطـــّـر  

***

ياخالي شِفـِـت هالـناس ـ  أسولفـْـلـَـك تـريـد اكـثـَـر ؟

تساوى الوَرد بالعاگـول ـ يـعـَيـْـب اعليه وايكشّـر

أم الشعـَر والگــرعَه ـ تِـساوَن والزمن قـرّر29

و(بو الجنيـّب) صار النـّوب ـ يـدَلـّي الصبـّه عَ المعبـَـر

صـار (الـدگـل) تمرتـنه ـ و(الخضراوي) يـِتـشـَمـّـر

صار( الأرنـَب) الـيفـْـتـي ـ گـام (الـْـفـَهـَد) يتعـَـذر

صـار البعض والله (اگـطوف ـ جگــاير) بالزبـل نشمـر

باگــَو (درفش اليهيا) ـ باعـَـوْ (گنزه) بالأصفـَـر

شـوهـَـو دين (شرشانه) ـ ذبـحـَو (يهيا) بالخنـجـَـر

باعـَو صبـّـه بالمازاد ـ باعـَو ديــن و(الأسـفـَـر)30

(إمام) الصبّـه راد ايصير ـ يـريـد ابـْصبـّـتـَه ايشـَوّر

ضِعنه اوضاعَـت البزرَه ـ غـرگــان اويريد الـبـَـر

ضعنه ابوسط (جلهيمـَـه) ـ حِـرگـَـَـوْ خِـشبـَة الـمـَعبـَـر31

آخـِـر (داره دارتـْـنه) ـ هِـنـيال العِـمـَـل واثـمـَـر

هذا الرّدت اگـولـَنـّـه ـ ماأحچـي بـعـَد أكـثـَـر

أشكيلك يـَـزين الـنـاس ـ يسـباهي الــْتـِعـِط عـنـبـَـر

ثـْمانـيـن اوزهور اربـَـع ـ وانت الـخطـبـَه والـمـَنـْبـَـر

زمـانـَـك إحْـذرَه لـو زاد خـَـطـبـَـه

مِـثل واحد ابـْدَمـّـه الـْسال خـطبـَـه

إنـْتَ الـْمـَـنـبـَر اولِـلـْفِـكِـر خـطـْبـَه

سـلام اوتهتِـف ابـْأرض الـوطيـّـه

يـَخـالي الناس هالغـَنـَت ـ (على الميمَـر على المـيمـَـر)

لا (نخـل السماوه) انـْطـَـر ـ على (اسميچـه) الهجر حـدّر

ولا (امظفر) بـچـَه اصويحب ـ يگــلـّـه اشمالك امطـبـّـر؟

ولا (الـْـسياب) ياخالي ـ يـُموت اودنيتـه اتـْمَـطـــّـر 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شرح كلمات القصيدة

1 : سباهي خلف لفته شبيب الخميسي والد مفكرنا الجليل عزيز سباهي

2 : عزيز :  إسم مفكرنا الجليل عزيز سباهي

3 : شـَمـّـر من أكبر العشائر المعروفة في العراق والأقطار العربية

4 : أبو سعود : سعد الإبن الكبير لمفكرنا الجليل عزيز سباهي

5 : درفشك : درفش رمـز السلام

6 : مثل شعبي ( أجـّلكم الله ) الزبالة تكبـر وبنيادم مايكبر

7 : يفنيه : جفنيه

8 : من الأغنية : ع الميمر او ع الميمر

9 : اصويحب : إسم فلاح مناضل ورد اسمه في أحد قصائد شاعرنا مظفر النواب :

 لا تفرح يالِـقطاعي ، إذا المنجـل يموت اصويحب ايداعي

10 : الزيارة الكريمة لمفكرنا الجليل عزيز سباهي لمكتبي / بغداد الصالحية

11 : من المثل الشعبي : يحفر بير ببـره

12 : مناجل : مفردها منجل

13 : مشانق : مفردها مشنقة

14 : صبيح : المناضل الشهيد صبيح ( صباح ) سباهي : شقيق مفكرنا الجليل عزيز سباهي

15 : المـكًـبر : المدفـَـن

16 : صبري : المناضل صبري سباهي : شقيق مفكرنا الجليل عزيز سباهي

17 : المناضلان جبار وخضير أولاد عبود أولاد عم مفكرنا الجليل عزيز سباهي

 المناضل أبو صبيح ( عبد الإله سباهي ) شقيق مفكرنا الجليل عزيز سباهي

18 : المناضلتان وعد هاشم ، غريبة عبود : بنات عم مفكرنا الجليل عزيز سباهي ـ مروة والدة مفكرنا الجليل عزيز سباهي ، مناضلة عاصرت نضال جميع أولادها عزيز وصبري وعبد الإله وصبيح : روت لي والدتي إبنة عم مفكرنا الجليل عزيز سباهي :  ذات يوم داهمت شرطة الباشا نوري سعيد دار سباهي ، وكانت بعض الكتب التي واجِـهـَـتها صورة ماركس وانجلس ولحاياهم الكثه ، فسالتهم مروّة والدة استاذنا عزيز : ليش يمـّه شتريدون ؟ فقالوا لها شنو هذه الصور ؟ فما كان من والدة أستاذنا الجليل أن تجيبهم على الفور وبلباقة ـ ولما كان أهلنا الصابئة يطيلون لحاياهم ـ  يـُمـّه هذول اجدود الـفروخ ...!

19 : المناضل عبد الله علـًك : إبن عم مفكرنا الجليل عزيز سباهي ، المناضلة نوشي زوجة عبد الله

20 : خلف جد مفكرنا الجليل عزيز سباهي

21 : أربع ورد لِـثمانين : 84 عام انقضى من عمر مفكرنا الجليل عزيز سباهي أطال الله عمره

22 : مثل شعبي : فحل التوث بالبستان هيبه

23 : بيت الشعر : وفي الزرازير جبناً وهي طائرة ـ وفي البزاة شموخاً وهي تحتضر   

24 :بيت الشعر : عجبٌ ترمي قومٌ بالأكـَـر ـ فئة تسكمدن بيتاً من زجاج

25 : السياب الشاعر المرحوم بدر شاكر السياب

26 : بيت الشعر : لا تربط الجرباء حول صحيحة ـ خوفي على تلك الصحيحة تجـرَبُ

27 : مثل شعبي : النعجة الجربه تشرب المي من نص الشط

28 : هوسه شعبية : يردس حيل الماضايكًهه والضايكًهه ايلف اعمامه

29 : اتساوت الكًـرعه ويّ أم الشعر

30 ـ الأسفـر : أحد الكتب الدينية للصابئة

31 ـ الجلهيمه : الأرض الصبخة التي لا يسكنها أحـد