edmilia.tk <body> </body> google-site-verification=Xz06IR0Fyb2MKO7FygwFviEwK6XKl7AUITzo_UlSHGQ الـــحــب الحب أجمل ما يوجد في هذه الحياة بدون الحب لا توجد حياة فالحب أسمى معاني الحياة وللحب أشكال كثيرة ومعاني أكثر لكن أروعه حب الأبوين حب الأم وحب الأب فلولا هذا الحب لما وجد الحب أصلا
   
  عصافير
  الماجدي 3
 

1       2       3       4   

الـشـُمـُوخ

 عِـنـد

الـمـَـــــوت

*وفي الزرازير جبناً وهي طائرة ـ وفي الـْبزاة شموخاً وهي تحتضر

المحامي

عماد عبد الرحيم الماجدي

 يشمخ كل نسـر لو يحضر الموت ـ تطير اوخايفه خويه الزرازير

صبي لو وگـع ياوسفه وايطيح ـ عليه تكثر يخَيْ ضرب السواطير

لـوحه الصبي بطنه اتصير لو جاع ـ بيهه احنه نحط واندگ بسامير

حافي الصبي وافروخه يلوعون ـ تشعوط رجله ياصبه المجامير

ماصارت يصبّه اوتالي بس عـاد ـ ماصارت تـَره ابكل الدساتـيـر

صبي ايجوع واحنه نلبس الريش ـ چثيره اهواي من هذي التصاوير

لـو يطلب (زدقِـته) منك ايريد ـ تِـلبـِـد لـيـش واتـْـدور الزواغـيـر ؟

نسيتو اجدادنه ياصبـّه والچــير ـ عاشَـوْ بالشرف خويه نجاجيـر

صِرنه من طلع خويه (يهوطاي) ـ نلعب بالذهب صِغـْـنه قواريـر

تاليهه يصبـّه الولِـد والـْمال ـ ضاعـَـت وانـْـتِـظـِـر تالي المقـاديـر

يشمَخ كل نسـر لو يحضر الموت ـ تطير اوخايفه خويه الزرازير

***

تطش بذرك يخي بالـگاع واتصيح ـ لله اوطير واتلگـْطه العصافير

ليش الصبي لو يچـهَب عِـتبتك ـ تِـسِد بابـَـك يخـَـيْ تخلق معـاذيـر

دولاب الـفـلـك ، والدهر غـدّار ـ لاتِـلـْـدغ بـعـد مثل الـزنـابـيـر

دهرك لو عكـَـس ويـّال نـوبات ـ  يـريدك تِـتـِّعـِـض ينطي تحاذير

لـَـتـْـغـِـرّك أبـَـد دنـْياك والجّـاه ـ الله ايـريـد من عِـنـْـدك فـواتـيـر

وين العاش گبلك بقـَه اومامات ـ بساتيـگ الذهب صارت طباشيـر

(لـيـر) او (ماس) ياصبّـه اوعمارات ـ ينطي ( الفايز ) ابوجهه تعابير

مالِـحگو عـليه فـَطسـان خلــّوه ـ ( اقماشي ) مالِـگــَـو بـَس الدنانيـر

هذي الدنيه ياصبّـه اوقــَدَرهَه ـ بس (هـَيي) يظل ، واحنه خِـطاطير

(تــيبـل) فانيـَه ، مابـيهـَه مخلوق ـ إحـْـنـَه لِـليجي خويـَـه نـواطـيـر

يشمخ كل نسـر لو يحضر الموت ـ تطير اوخايفه خويه الزرازير

***

سلاحـَك (ناصيروثه) وانت معروف ـ سلاح احديد من غير الشواجير

سلاحك (أسفـَـر) او(كًنزتـْنه) مكتوب ـ نريد انشوف بس وين الـنواظير

لا تـحـفـر لـخـُوك الدهـَـر دوّار ـ لـَـتـْغـَـمـّج اوتالي اتطِـيح بالـْـبـيـر

طبيخك (شاط) كافي مـَيـّـل النار ـ  نامت بالجدر حـگهه الـچـفاچـير

وجهـَـك لاتضمـّه البشر معروف ـ (لحم الضان) من لحم الخنازيـر

 

يشربون ابزلال الماي ياناس ـ والصبـّه اصبحـَت إلهـُم نواعيـر

ضاعت صبـّة المندايي ياناس ـ تِـلطع بيهه (جوگات الزنابير)

والشبان ضاعت خويه بالشـام ـ واحنه بـ (الـعـَرگ) نشرب عنابير

وابعمـّـان شوفو الـدرد والهـَم ـ حـطـّو ع الدرب باعـَو چـِـنابيـر

ماعِدهم (خبـز) والجوع خطـّـار ـ عدهـُم كل وكت ، واحدهم ايحير

يشمخ كل نسـر لو يحضر الموت ـ تطير اوخايفه خويه الزرازير

***

ياويلي الصبيبي ليش هالصار ـ صارت كِـلهه وابـْراسك (مخاتير)

مـاعدهم أكل والصبي هـَلكان ـ كِسروْ جنحه ، سِألـَوْ ليش مـَيـْطير ؟

ماعِـندَه طحين اويخبز الـضيم ـ يـَردونـَه ابقهـَـر يشـعِـل تِــنانيــر

( مصايب قوم عِـد قومٍ فـُـوايد ) ـ (أبو اكلاش اليچـد بوچزمه بالخير)*

كافيكم (زمـُط) بـ (الزيفي) تحچـون ـ شوفو ادموع صبـّتنه المكاسيـر

دمـوع اتـدَعـّي للهيي علـيـنـَه ـ يـنـطـّـي (الماري) للمظلـوم كل خـيـر

وكتكـُم راح ع الصبـّه تِـضحكـُون ـ دهـْـرك لو فـِسـَد ماتت عِـطاطيـر

دفـْعـُوه بالبـُرَك والماي للراس ـ لا (تبتـَـل) يصبي اوهذي مـَـتصيـر*

ياويلي على الصبـّه اوحـسـافـه ـ تِـفرهـَدنـَـه الظهر مامِش نـواطيـر

يشمخ كل نسـر لو يحضر الموت ـ تِـطير اوخايفه خويه الزرازيـر

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

*الزرازير جمع زرزور :

الخوف (الجبن) يتملكها وإن حطـّت على ناطحات السحاب

* من المثل الشعبي العراقي :

 إيـچــد أبو اكلاش ، أوياكل أبـُوچـَـزمه

* بيت الشعر العربي :  

 

ألقوه في اليـَمّ وقالوا له ـ إيـّاك إياـّاك أن تبتـَـل بالـْماءِ

 



 

 

الـحـَـق و الـباطِـل

 

المحامي

عماد عبد الرحيم الماجدي

 

حـرفين اوگلبتْ هالدنيه ـ (حاء) ايبوس ابخـدّه (القاف)

الحق ، لوصارَعـته ايصرعـك ـ واحِـد مايـصرع آلاف

حق والحق ياخـويـَه امبيـّن ـ الحق تاج ابروس اشراف

و (الباطل) ياناس انعرفه ـ (چـك) ابإيديـن (الـنـَـدّاف)

الباطِـل نـوبات اتـشـوفـَـه ـ يكـْرف (زبـلان) الـخـوّّاف

والحق دوم ايهلهل حلگه ـ حلگ الماهلهل خـو (جاف)

الباطِـل باطِـل من أصلـَـه ـ مانِـحـْـتـاج الـْـكِـل عـرّاف

الحق راهي او (خيط ابريسم) ـ مِن (خيط التيرَه) ينشاف

الحق (حِنـّه اعروس الباكر) ـ وابـدَم العاشـگ تِـنـداف

الباطل (روث) ابهاالدنيه ـ وايـطـَيـّح حـَظـّه الـمكراف

باطل دوم ايغطي العـيبـَـه ـ الباطِـل (خـنجر) أصـلاف

حـرفين اوگلبت هالدنيه ـ (حاء) ايبوس ابخـدّه (القاف)

***

الحق شمس الهيي اوتفضح ـ (دجـّال أوألچـغ) مِخراف

الحق (گشطا) أوإيـد الهيي ـ باليـمنه اتشـيل الـمجـذاف

الحق نور اوظـاهر نوره ـ والباطِـل يحـتاج (الـْـحاف)

مثل (الباز) إن يحضر موته ـ شامخ عِد موته اوميخاف

مو زرزور اوخايف طاير ـ رجفاته اوراق (الصفصاف)

صاحب حق (الحق) اوحقه ـ الحـَـق عَ الباطِـل هدّاف

الباطل (ثعلب) وايدودي ـ يتفاخر (ثعـلب) لو (حاف)

الباطِل (واويـّه) اصحابه ـ الحق اصـحاب الأشـراف

(غربان) او (بوم) اهل الباطِل ـ الحق (غرنوگ اوحذّاف)

الحق يعله اومامش يعله ـ والحق أعله : (الـمايـنشـاف)

حـرفين اوگلبت هالدنيه ـ (حاء) ايبوس ابخـَدّه (القاف)

***

ليش (الحق) الناس اتكِرهه ـ و (الباطل) چـنّه (الخطـّاف)

الحق ماعِـنـْده او لاصاحب ـ أصحاب الباطِـل (أصلاف)

الحق : تعرف هيي اوماري ـ والباطل خو (هزّ اچـتـاف)

الحق (جـَنـّه) ابلاش اتـْطبهَه ـ و (الـنـّار اتطبهه ابآلاف)

الحق قانـون الحـق إسمع ـ الحـق (دين) اوبيه (أعـراف)

الحق (خـُـبزه) اوتِشـبـِع بطنك ـ والـيـثـْـرد بالحق تـَلاّف

الحق (ليره) امصنصل رسهـَه ـ روح اسأل عنها الصراف

ليش الحق الناس اتـْـكـِرهـَه ـ و الباطل چـَـنـّه (الخطـّاف)

لاتستوحش (دَرب) احقوقك ـ (دَرب) اوقِلـّه اتسكنه اشراف*

الحق صدگ ثابـت شامخ ـ والباطِـل (سيـل) او (جـَرّاف)

ياصبـّه الحق (حق الگشطا) ـ (حق الگشطا) الـمـأيـنعاف

حـرفين اوگلبت هالـْدنيه ـ (حاء) أيـْبوس ابخـدّه (الـقاف)

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

* لاتستوحشوا طريق الحق لقلة سالكيه (الإمام علي ع )

 





هـَم شِـفـِــــــــت ...؟

المحامي

عماد عبد الرحيم الماجدي

مَتِـر لو مَـتـْـريـن خامـَه ـ اشْـماتِـطول الدنـْيـَه بـيـنـَـه

تالي خويه السان يسكِت ـ  يسكِـت اويخـلص حچـينه

أبـَد مايـتـّعِـظ خـويَـه  ـ اشكِـثِـر صَـلفه البـَشر عـينـَه

اتـْشوفه يـِتباهـَه ابنصُبته ـ نِـسَـه رسَّه الـبشَر طـينـَه

لا تِـظِـل مَـغـرور بـيهـَه ـ والـْطِـغـَه مـَتـْـگـلـّي ويـنـَـه؟

لو حِـضَرنـَه الموت خويَه ـ انـْهـَدل الــزيج اوبچـينـَه

من نـُموت العـَين تـُغـْمَض ـ يـِسلِـب الباقي الـْبـِديـنـَه

حـتى إسْم الـْميت نِـنـْسَـه ـ شِـلـْـنه الِـجـْنازه وجـيـنـَه

***

هـذه دنـْيـاتـَـك يـَصبـّي ـ اذكِـر اشـْسـَـوّت (احـْويـنـَه)

كلـّه خويه انـْگـلب وكتـَـك ـ زينه خويه اتصير شينـَه

دنـْيـَه خويَـه الغـَـلط بيهـَه ـ مادريـنـَه الـغـَـلِـط بـيـنـَه

لا تآخي لا تـَعاون لا تسامح ـ لا مـَحبـّه شـُوعـِمـينـَه

صبي اخوك أو ابن عـَمـّك ـ ابن خـالـَـك لو نِـسيـنـَـه؟

أرد اسألك رحمـَه لـُمـّك ـ شفِـت رمْشك عاف عـينـَه؟

شفِـت خدّك عاف دمْعه ـ من سوه اگعـَدنه اوبچينـَه؟

***

هـَم شِـفِـت تـَـنـّور ينطر ـ مامِـش ابحـْـلگـه العِـجـيـنـَه؟

هَم شفِـت ناعـور يفـتـَر ـ عـاف مـَيّه اوغـَرف طـيـنـَه؟

هـَم شِـفِـت انـْسان مـُومِـن ـ عـاف ربـّه اوتِـرك ديـنـَه؟

ليش اذن إحـْـنـَه تِـركـنـَه ـ ديـن صَـبـّـتـْـنه اويـَـقـيـنـَه؟

گِـمنه لا (نِـرشِم اونبرَخ) ـ لا أبـَد (درفــَـش) عِـلـيـَـنـَه

غـَمـّه خويه ابـكًِـصتـَه غـَمـّه ـ أغـَم والله العـاف ديـنـَه

اشبينه گولـُو؟ اشبينه احچوا ـ ضِعـْنه ياصبه انـفِـنـينـَه

***

انزايد اعـله الصبّه صِرنه ـ صارَو (استِـثـمار) لـينـَه

هـذا گـال آنه المُخـَـلـِّص ـ ذاك گـال احـْـنـَه الـْبـِدينـَـه

شُـوفـُو صبّـتـنـَه يـَصبّـه ـ من عـَـطـَشهـُم خو روينـَه

شوفـُو صبـّـتنه (الـْبزينـَب) ـ كِـتـُب عـازتهُم قـَرينـَه

صَبـي (الِـبْعـَمان) شوفـَه ـ روحـَه لِـلـْعـازَه رهـيـنـَه

بالـْيـَمَـن وابـْمَـصِـر جــَدّوْ ـ عـين كل صبّي حـَـزينـَه

حـتى (لِلصومال) وصْـلـَوْ ـ قِـسِم غِـرگـوْ بالسفـيـنـَه

قِـسِم منهـُم باع كِـلـْـشي ـ تِـسمَـع ابغـَصتـَه اوونِـيـنه

قـسِم منهم (فـوح) يشرَب ـ واحْـنـَه ناكِـل بالـْدهـينـَه

قِـسم منهُم بـَطنـَه شَـدهَـه ـ نِـسَـه جوعـَه اوهـَـلهلينـَه

***

اوهاجـَـت (الذبان) عِـدنه ـ تِسمَع ابحسـّه اوطِـنِـينـَه

والگـِصاصيب اشكِـثِـرهـَه ـ بالـْسچاچـيـن انولـيـَـنـَه

(داخِـل) الحـَگـنـَه دخيلك ـ  صلخـَوْ اجلود العَـلينـَه

گـالوْ اشْبـيكـُم اصبـْرو ـ (مـَـندي) إلـكـُم هـَـالبـِنـينـَه

( الطفل ) لو ضاع منكم ـ  مَعـذره اشـْويّه التِـهـينـَه

وصْـلت ( الفِـكـْرَه ) يصبّه ـ لِـلقـَرار احنـَه نِـسيـنـَه

أبد لاتِـسـْمَـع اوإسكِـت  ـ ماشِـفِـت شِـنـْـهي العـَـليـنه؟

واحـْـنـَه صبّه اسكـوت كلنـَه ـ و(الـفـُصَم) نايم بـدينه

منحِرف لو تحْچي گـالـَو ـ يـِســتِـر اعـلـيـنـَه نبـيـنـَه

***

أكـه هـَيي ، أكـه ماري ـ (بو الفرج) و(اليهيا) وينه ؟

هـذي دنـْياتـك يـَصبّي ـ (اقـْماشي) واگـصيـّـر عِـلينه

لا تـأمـّن بـَرض (تـيبـَـل) ـ حِـلِم مايخـْـلص رطيـنـَـه

متـَر لو مَـتـْريـن خـامَـه ـ اشْما تِـطول الدنيَـه بـيـنـَه













بــِـشـُمـَـيـهون اد هيي ربـّي

يـــــــــــــــــــاويلي

المحامي

عـمـاد عبد الرحيـم المـاجدي

يـاويلي على اليبچي بلـَه ادموع ـ ياويلي على اليـخنِـگ عـَبـُرتـَه

يـاويلي على الـْيتحـَسـّر ابليل ـ يـِفِـز امن القهـَـر يكـْتِـل حـَسرتـَه

يـاويلي على امخلگن لبس ثوب ـ من إيـدَه غصُب إخـذوْخـُبـِـزته

يـاويلي (نِـزيـز) اويشرب الماي ـ وايباوع على اليشرب دجـِلـته

(دجله) اعله الفرات ايـدوّر اوصاح ـ بغـداد الإبـن صـَد اوعـَرفته

يـاويلي على الـْيبچي بَلــَه اعيون ـ گلبـَه الـيبچي وايـنوح ابدمعـته

تگوم ادموع عينه اتبوس الـِخـدود ـ تِـعاتب بالجـِفن واتريد هِـمْـته

يـاويلي المِـشَه اوسافر بلـَه اوداع ـ يلوم ابمشيته اويغبگ ابگصتـَه

مثل (تمر ابعثگ) يوگع على الگاع ـ يـگوم ايـلوم ياويلي ابنخِـلته

يـاويلي على الينشغ ألـَم ليش ـ (صبـّي) اوماسـِمـَع أحـّـد نـَشـِغتـَه

يـاويلي على (ايتـَيـِّم) صِـرَخ ضيـم ـ مات اوماسِمـَع أحـّد صَرخته

يـاويلي او (چفـَن) ماغـَطـّه رجليه ـ حـُفـرَت گبره ياصبـّه تـُرُبته

 

يـاويلي على اليسكت على (الذل) ـ يقاوم للظـُلم بيـدَه او هِـدمتـَه

يـاويلي الصبيبي فـَرهِدَو بيـهْ ـ يـُضـُم ويلي غفـُل منهم (سـَكِـتـّه)

نوبات الـْبـُوَم تِنعگ على الطوف ـ تِذكرَك بالحِزن هـَمّه اوغـُربته

يـاويلي على (المـَنيوب) بالعـيد ـ لايـبچي ولا (حِــس) ابـلـَطـُمته

يـاويلي على المغشوش بالغِـش ـ هـَد اعْله الأخو اوكـَسـّر (شـَرُبته)

يـاويلي على (القوس) انضرب راح ـ مايرجع (نـَبـِل) أبداً (جِعبته)

يزرع بـالنوَه تال اصبـَح او(عيط) ـ واعثوگ النخـَل ضيـّع تمـُرتـَه

يـاويلي على (الخـَيال) لو طاح ـ تِشيلـَه الگاع واتحضنه مـُهـُرتـَه

أشـوفنهه الحِيايه صارت (انـْمور) ـ زنبور النجِـس إحذر لـَسِعـْته

يـاويلي (العِگارب) هـَدّت ابليل ـ والعگرَب تـَرَه (سـَمـّه ابلدغتـه)

يـاويلي على اليُحفر لِـخو بـيـر ـ غَـمّجهَه اووگــَع تالي ابـْحفرتـَه

يـاويلي علينـَه اضحكنه عَ الديـّن ـ والعاف الـدِيـانـَه نِكـَر (صبتـَه)

يـاويلي على اليبچي بلـَه ادموع ـ ياويلي على اليـخنِـگ عـَبـُرتـَه

 
  عدد زواراليوم 157452 visitors (337148 hits) مرحبا بكم  
المواضيع المنشورة لا تمثل بالضرورة رأي موقع عصافير، و إنما تمثل وجهة نظر كاتبيها
جميع الحقوق محفوظة لموقع عصافير
 
 
=> Do you also want a homepage for free? Then click here! <=
Bookmark and Share www.3safer.de.tl ,münchen, mandäer, irak 2010, صابئي , صيبي, مندائي, م, شعر عراقي, كاظم الساهر, حبو غزل, تعارف, طرب, افلام عربية, قصص, ابوذية, مسجات, ردح, اغاني, ص, ع, ا, ك, باجه, جاي و سمك مسكوف, دولمة, التكبر , التواضع , احبك, برازيليِ