edmilia.tk <body> </body> google-site-verification=Xz06IR0Fyb2MKO7FygwFviEwK6XKl7AUITzo_UlSHGQ الـــحــب الحب أجمل ما يوجد في هذه الحياة بدون الحب لا توجد حياة فالحب أسمى معاني الحياة وللحب أشكال كثيرة ومعاني أكثر لكن أروعه حب الأبوين حب الأم وحب الأب فلولا هذا الحب لما وجد الحب أصلا
   
  عصافير
  الماجدي 9
 

1    2    3



ابـْـشـوميهون
اد هيي ربي

شيـخ عبد الله اشـتِكـيـلـَـك

المحامي

عـماد عبد الرحيم الماجدي

شــيخ (عبد الله) اشـتِـكيلك ـ ضِـعـنـَه مانِـدري شـِجانـَه

كِلـْمـَن اوگال آنـَه (عـَنـتـَر) ـ سـيـفـَه بالـْـزيفي حِـمـانـَه

مـِـلـْتِـهي يـلفـَح او يهـبـُر ـ  ِـغـدَه) طـالِـع من إذانـَـه

مِـن تِـگِلـّـه خـويـَه ضِـعنـَه ـ الـباع صبـّتـنـَه ابـزمـانـَـه

گـَـلـّك افـلوسِـي تِـكـفـّي ـ خـَلـّـي (شـرشانـَه) ابمِـچـانـَه

اشـلـُون تاليهـَه يـَصَـبـّه ـ  الـْـماي راكِـد بـالـْـنِـجـانـَـه

حـَتـمـاً ايـعـَفـّن يـَـصـَبـّـه ـ والـْطـُمـَع و (الله) دِمـانـَـه

شيخ (عبد الله) اشتـكيلك ـ إلـحـَگْ او عـَـدّل غِـطـانـَــه

شــيخ (عبد الله) اشـتِـكيلك ـ ضِـعـنـَه مانِـدري شـِجانـَه

***

شيخ عبد الله دخـيـلـَـك ـ مـَـحـّـد ابـمـَيـْـتــَه رُوانـَـه

شيخ عبد الله (الـنثايه) ـ اتـْفـَرهِـدن والـذيّب جـانـَه

شيخ عبد الله ـ (وِلـِدنـَه) ـ ضاعـَت الـتـَمـْره اونـُوانـَه

شيخ عبد الله اگِــلـّـك ـ يـَمـْتــَه نِـخلـَص مِن عِـفـانـَه

شيخ عبد الله انـْثـُبـَرنـَه ـ تـاهــَت البزره اونِـسـانـَه

شيخ عبد الله (الرساتِي) ـ گـِصرَن ، الدرفش سِـبـانـَه

 شيخ عبد الله (الگنازي) ـ ابـْراخـه نـُبـرخ وابحِذانـَه

شيخ عبد الله تِـبـَـدّل ـ (ديـنـَك) اوحـَـتى ابـ (أذانـَـه)

 شــيخ (عبد الله) اشـتِـكيلك ـ ضِـعـنـَه مانِـدري شـِجانـَه

***

شيخ عبد الله وحـَقــّـك ـ يـِـجـِي فــَد يـوم او دُوانـَـه

نِـشـرد انـجـوع انـْتـَعـَرَّه ـ حـَسـْـرَه ياشـيـخ الـدِنـانـَه

شيخ والله انـگوم نِـهذي ـ  ضيـم نـُخـْبـُـط بـِسـْتِكانـَه

شيخ هـذا الـوكِت تِـدري ـ (دَهـَر) بـِـسـْهـامـَه رمـانـَه

شيخ عبد الله فِـديـتـَـك ـ (بـاع) صـَبـيـّـنـَه حـَـنـانـَه

شيخ عبد الله أبـَـشـرك ـ گِـمـنـَه نِـچـرَخ بـالقــَوانـَه

شـَتِـم يـومِـيـّه اومـَسـَبـّه ـ صـَبـّـه وابـْحـَلـگه اسـطوانـَه

  مابـُقـَـه أحـّـد يـِعـَضـّه ـ بـَخـَت عِـنـْدَه الـمـاهِجانـَه

صـَبـّي والله الـباع بـيـنـَه ـ  والله صـَبـّي اللـّي شـِرانـَه

شــيخ (عبد الله) اشـتِـكيلك ـ ضِـعـنـَه مانِـدري شـِجانـَه

***

كِـلـْهـَه تِـچـرَخ بيـنـَه وسـْفـَه ـ الأغـَـم وَيَّ الـزنـاتـَـه

 كِـلـْهَه صـارت تِرمي (شيخي) ـ صـَبـّي يابويـَه الرْمانـَه

نِـسـَوْ (مِـن بـيدك ) اوتِـحْمي ـ الـشـارد او خـايف أمانـَه

مـا (يـموت النخـَـل نايـم) ـ واگـف ايـمـوت ابـمچـانـَه

اشـحـَدّه من يـوصـَل جـِبـَـلنه ـ جبـَل قـِمـْتـَه ابعنفـُوانـَه

اشـحـَدّه مِـن غيـّر (قِبلتـَه) ـ اتـموت و (الله النشمثانـَه)  

(شيخ عبد الله أهـْـلـهِـل) ـ وارْد (ازفـّـك) بـيـدي آنـَـه

مانِـهـل ادمـُوع بـويـَه ـ (الـهيـّي) خـوتِـدري وصـانـَه

( رافِـد ) ايـكـَـمـّـل طريـجـَك ـ (رافِـد) اگـدود الأمـانـَه

شــيخ (عبد الله) اشـتِـكيلك ـ ضِـعـنـَه مانِـدري شـِجانـَه

 

 


 

ابـْـــــــــشـومَيهون اد هـَيـّي ربـّي

شـِـــــــــــفـْـتِ الــْگــاع !

الـمحامي

عـماد عبد الرحيم الماجدي

شـِـفـت (الـگاع) هالتِـبـچـي ـ سـِـألت الـنـاس عَ الـمـَـنيـوب

گـالـَوْ(نـَـجم) خـَـرْ لِـلـْـگـاع ـ أبـْـيـض والـمِسـِچ بالـْـثــُـوب

گالـَـو (گـمـَـر) نـِدفــَـن بـيـه ـ بـِـسـْمـاه الگــمـَـر مـَحبـوب

گالـَو (شـَمِـس) نـِدفنهه ـ مامِش (شـَمِـس) عِـدهه اذنـوب

إحـْــزر گـالـَـو اشـنِـدفِــن ؟ ـ گِـلـْــتِـلهـُم جـَسـَـد مـَهـْـيـوب

بـچــت ياگاع ارض ( تـيبـل) ـ غمـهه اشگد تِشـيل اذنـوب

گـالـَـت شـُو دفــَـنت الـناس ـ جـَـواهِـر بـيـهـُم اوخـَـرنـوب

كِــلمـَـن رايـح ابـيـومـَـه ـ لِـ (الـْـباري) الـقـَـدَر مـَـكـتـُـوب

أمانـَـه (الـرّوح) عِـنـدَك روح ـ نـوفي الـدّيـن بالمـَطـلوب

غـَمـْهه الگاع لـَمـّـت بويـَه شين اوزيـن

تِـلِـم المومِـن اومـلـْحِـد كــُـفــَـر بالـدّيـن

رضينـَـه (البين) مايـرضاش بينَـه الـبين

ها أهلي الصبّـه ها :

أحـيـاء انـْـعـيـش احـْـنـَـه اوموتـَـه

يــَبـو رافــد نـُـودعـَـنـّـك ـ نِهـَـلـهِـل إنـت مامـَطلـوب

إنت الـفـَـجـِـر يعني اليـوم ـ غـالـِـب دوم مـامـَغـلـوب

***

أبـو رافِـــد يـَـكـِّـل الـْـماي ـ يــروي والــْـطــَـعـُم عـَـنـبـَـر

أبـو رافِـد يــَبــُـو الـْـزيـنـات ـ حـُـر اوقـايــِـد اومـَعــْـبـَـر

 مـضـيفـك عامِـر ابـْـشـَرعـَـه ـ يـَبـو چـانون الـمـجـْـمـّـر

أبـو رافِـد نِـسـِـر شامـُخ ـ يـِـهـابـَـه الـموت ! هـَـالأدبـَـر

 والـْـيـگـرب سـَبـِـع غـلـطان ـ عِـريـنــَه لـو رمـَـش يـزأر

قِـدّاح او يـَعِـطرَه ايـفوح ـ حـَگــّـه الـعِـطـِـر من يـفـخـَـر

على الـحـَگ الـزلـِم ماتـَـت ـ مـوش (اوسـادَه) وامـْـطـَبـّـر

يـَـالِكـْحيل اوفرس مهيوب ـ صِـهـيلـَـك عَ الـنـَذل خـَـنـجـَـر

يــَبـُـو رافِـد تـــَراه الحـَـق ـ والـحـَــق بـيـك يـِـتـْمـَـظـهـَـر

نِهـَـلهِـل نـرفــَع (الدرفــَش) عـلالي

ِـرَج) وايـقـابـل (الهيي) عـَلالـِي

(أبـو رافِـــد) تِـظِـل انـْـت ابـْعـلالـِـى

ها عمامي الـمسودنيه ها :

راح ايقابـل (هيي او يهيـا )

(داخـِـل) يـِــنــْطِـر يـتـلگــّـاه

سِـفـيـنـَه انت اوشـراع الـحق ـ (مِـلالـِـيـح الـدَهـَر) تِـشـْخـِـر

(هِـــمـْيـانـَـك) يـَبـُـو الـكـَـلفـات ـ (حـَـق) اوبـِـيـه تِــتــْــوزّر

(مـَرگِـنتـك) غِصـِن زيـْـتـون ـ عـَلـيـهـَه الـصـبـّه تِـتـصـَبـر

رُفــَعـْـت (الـدَرفــَـش) اتـنـادي ـ گــَبـلـك (بـُـو الـفـَـرج) حـَـذر

تِـلاگِـي (داخِـل او مـَصـبوب) (مـُحـْيي اوجـودَه) الـِـمـْعـَتـبـَـر

(دامـوك اوفـــَرَج) نــادوك ـ (عـَـبـْد الله) الــْـورد يـــِـزهِــــر

(إبـنِ اگـبـاشي) سـَــمـَّه او(لاف) ـ (لـوفـانِـي) الـقـــَدَر قــَـدَّر

(بـَهـْرام ) او (نـَجـِم) فـــَرحـان ـ أب اولابـْـنـَـه هـَـالـْيـِنـْـطـِـر

مامات الـيخـلـّـف (إبـِـن) مِـثـلـَـه

ولا مات الـدِـفـَـع لِـلـزدقـَه مـثـْلـه

سِـرّ (الـولِــد) ع الآبــــاء مـثـلـَـه

ها خـَوالي  الخميسيـّه ها

اشـلون ايموت الــعـابـِـد ربـّـه ...؟

يصبـَح (مـَنـْدي) اوكِـلهـَه الصبـّه اتـطوف اعليـه

(عـَبـْـد الله يـَبـُو رافـِــد) ـ أودعـَـك والـْـقـَـدَر مـَكـتــــــــــوب

شـِـفـت (الـگاع) هالتِـبـچـي ـ سـِـألت الـنـاس عَ الـمـَـنيـوب

گـالـَوْ(نـَـجم) خـَـرْ لِـلـْـگـاع ـ أبـْـيـض والــْـمِسـِچ بالـْـثــُـوب

 

  

 

 

 

ابشوميهون اد هيي ربي

مـــــــــــوش اتــْـراب

المحامي

عـمــاد عبد الرحيم الماجدي

مـوش اتــْـراب يـنـطِـر بـيـك ـ ولا گـاع الـْـتــُضـُمــَـنـّـك

(مِـلاك) الـينـطِـر النـِشـْماث ـ والـمـُطـراثي يــنـْـتـظـْـرك

يـَبو اكليل اوخضارَه ايـفـوح ـ يـريـد الرازقـِـي ايشمـّـك

هـيل او مـِسـِـچ صار اتـراب ـ يـخـجـَـل يـِـگـرَب الـيـَمـّـك

هـذا مـو (گـبـُر) حـُفـروه ـ (شـِـريـجـَه) اوهالـبـِچـَت نـَعـشـَك

(أبـو رافِـد) عِـجــيـد الـگـوم ـ فِـديـت الصبـّه وابـْـدمّـك

(أبو رافِـد) عـزيـز الروح ـ روحـَـك وانـْـفِـنـَت لــَـهـْـلـَـك

(كـريم الإيــد) عـالي الـشان ـ مـُضيـف الماطــُفـه جـَمـْرك

(أبـو امروّه) يـحـادي الـگـوم ـ (هـَيي) ايـنـّـوّر ابـدربـَـك

مـانِـنكـِر يـَـ (نـَخـْـل) الـگـوم ـ تِـعـلـَـه او ناكـِـل ابـتـَمرك

عـظيم الشـّان يالمـَهيوب ـ يـَبـو الغـيره البـنـَـت صـَرحـَـك

رزيـن الـعـقل والـنـاموس ـ يـبـقى ابـكـِل عـَقـِـل رسـمـَـك

يارستـَه او حِميت (الـگوم) ـ أخـَـذت الـنـصَر من ربـّـك

رفـعـت (الدرفـش) ابيمناك ـ عالي (الـيردنه) اتـصبغـك

(شـنياور) ... اسـم مكـتوب ـ (عـَـبد الله) انكِـتـَـب اسمـَـك

يـَبـو النـَخوَه او نِخـاك الحَـگ ـ والـحـَـگ ماغِـدَر حـقــّـك

رمـيت اسهامـَـك الـْـباطِــل ـ حـق اوعــاد الـَـك سـَهمـك

بـچـيت اعلـَـه اليـصير اليوم ـ عـَلينه او ماخلص دَمـعـَـك

بـَختـك من بـَخـَـت شـرشـاك ـ خـَيـعـونه الـْدخـَـل بـَختـَـك

يـَبو الـشـدات والـكـلـفات ـ نـَـشـمي والشـهـامـَه آصـلـَـك

ياصـبرَك على الـشـِـدّات ـ صـُبـَرت اوماخِـلـص صـَبـرك

  عـراق المـَـرجـِع اوعـالِم  ـ تِـحْـدي او نِـهتـدي ابـحـَدْيـَـك

(ماي) انت الـروَه الـعـَـطـشان ـ زلال اونِـشـرب أمـّيـْتـَـك

نِـهـَلـْهِـل كِـلنـه هـذا الـيوم ـ نِـهـَـلـهِـل لـيـك وانـْــزفــّــك

لانـِبـچـي ولا نِـثـغـِب ولا نِلـطـُم ـ نِـلـْبـَس ابـيـَض ايـْنـَورك

طـايـِفـْـتــَـك ذهـَب صافِـي ـ (ذهـْـب الـكـون طــايـفـتـَــك)

مـوش اتــْراب يـنـطِــر بـيـك ـ ولا گـاع الـْـتــُضـُمــَـنــّـك

 

 

 

 

 

ابـــْــشوميهون اد هيي ربـّـي

ريـش امـّـا

( رئـيس أمـّـة الصابئة مادمت حـيـًاً )

المحامي

عـماد عبد الـرحيم الـمـاجدي

يـَطـوي الـعَـبقـَريُّ فـي خِـلال عُـمر واحِـد أعـمار أجـيـال سَبقـَـتـْـهُ ، وأجـيـال رافـَـقـَـتـْـهُ وأجـيال تأتي بَعده . فَِـيَـموت لِـيحـيا . ويَــحـيـا غَــيـره لِـيـمـوتْ  .

(ميـخـائـيـل نـعـيـمـَـة)

 

يـصعـَـد نِـفـَـس ، يـنـْزل نـِـفـَـس ـ طـيْـبـَه اوتِـشـِع نَـشمـِثــْـتــَه

(ريش امـّا) تـُبـقـَه اوهـَـم تِظِـل ـ شـِـنـْيـاورك هالـْصـِنـْـتـَه

و (الـتاغـَه) وابـراسَـك تِـهـِـل ـ بـالـنــّور تـاج اوشـِـلــْـتـَـه

(هـِمـْـيانك) احـزام الـْـعــدِل ـ إيـمان ( مانـا ) اعـرفـْــتــَـه

يـِنـسوك؟ گبلـَـك (بو الفـرج) ـ تـِـذكِـر؟ اوإنـت اذكـَـرتـَــه

يـِـنـسوك؟ ياشـمـس الـفـجـِـر ـ والـفـَجـِـر (بـَدْوَة ْ سـَنـْـتـَـه)

يـنـسوك يانـور الـشمـِس ـ غـَـرَّب ... شـِـرَقْ ... بـَـوْسـْـتـَه

أحـلـِـف ابـْـشيـبـاتـك تِــظِـل ـ بـيـرغ ... اوبــيـَـرغ إنـــتَ

(مـَنـْصِـب) ايـشـّرفهم چـِـذب ـ وانـت الـشـَرف شـَرّفــْـتــَه

درفـَـشـْنـَـه عِـلـَـه او عَ الـكـون شـَـرّف

نـَـجـْـمـَه او عَ النـَجـِـم ياشــيخ شـَـرَّف

يـجـِـنـَه الـموت ؟ عـِـد عـيـنـاك شـَرِّف

لــَـن (الـموت) حـَگــْنـَه اوبـيـه نـامِــن

حـق الـمـوت مـوش (اوسـادَه) نـامـَـن

(نــِسِـر شامخ ) يـجـيـه الـموت نـامِـن

مـوت الـجـسـَـد تـَـبـقه الـرّوح حـَـيـّـه

لاتـــامِـن أبـَــد يـاصَــبـّـي ( حـَـيـّـه )

(رمـيم اعـْــظـام ) قـادِر (الله) حــَيـّـه

(ماري) الـخـالِـق (الـنـِـشـْماثـَه ) شـَـرّف

(عـَبـد الله ) ماخِـفـْـت الطِـغـَـه ـ بس (هيي) إنـْـت الـْخـِفــْـتـَه

عـافـونـَه ، بـاعونـَه الـظـهـر ـ وانـْـت (الأمـَـل) مـابـِـعـْــتــَه

يـصعـَـد نِـفـَـس ، يـنـْزل نـِـفـَـس ـ طـيْـبـَه اوتِـشـِع نَـشمـِثــْـتــَه

***

خـَـلـهـَه ( خـِفـافـيـش الـْـوكِـت ) ـ بـِـاللـيّــل يـاكِــلْ حِـصـْـتــَه

خـَـلـَهـَه (الزرازير) الـعـِلــَـت ـ الـخـوف بيـهـَـه ( اشـقـفـتـَـه)

و (الـنـِسـِـر) شـامخ يـحـتـِضـِـر ـ بـالـْمـوت يـِـرعـِـد شـِفـْـتـَـه

انـْتَ ( الـصـَگر ) وابن (الصـَگر) ـ لِـلـْـباطِـل انت اصـگرتـَه

و (الـشـَصـِـر) مِـن هـَب اودِبـَـه ـ بـِـحـْـذاك إنـت الـْـدِســَـتــَـه

(الــْـسّـاس) أصـْـلِ الـمـِرتِــفِــع ـ بـيـديـك إنــْـتَ احـْـفـرتــَه

بالـْـگشـطـه شــيـخ اويـردنـَه ـ (بـِـسـْمَ الله) هـَـالـْغـَـمـّـجـْتــَه

إشـگـوگ خـو تِـدري اشـْكـِثـِـر؟ ـ شـَـگ الـچـبـيـر ارگـعـتـَه

وافـطـور بـالـْحـايط طِـغـَت ـ (فـَـطـر الـظِـهــَر) رَمـّـمـْـتـَـه

و (افـتـوگ) ليـهـَسـّه الـفـَـتِـگ ـ بـِـبـْـتـوت گـَلـْبـَـك رفــْـتـَـه

يـِحـْـلـَه الـگـول ، يـِحـْلـَه الـفخـَـر بيكُـمْ

إشـْمـوسُ اوتـِـشرق الأكـوان بيـكــُم

( يـَـهانـا ) الـبَـَــشَّـر الأديـان بـيـكـُم

هَـلي الصّبه هـَـله ابـْـشدَّة حِـزمْـكُـمْ

إسْـباع اونِـفـتخِـر كِـلنه إبـْحَـزمْـكُـمْ

الـْهَـّيي إبيردنَه أودَرفـَش حِـزَمْـكُـمْ

لـَـجـن ياحيف صِرنه إنعيش غـُربَه

مايعـُرف شَـرقـْـنَـه الـْـيـوم غـَـربـَه

شِـجـَر زيتونْ دينـَك مُـوشْ غـَـربـَه

يـِـثـْـمُـر بالأرضْ يـِـفـْـتخِـر بـيـكـُـمْ

الـگـُمـَر لـو غــاب ابـْــسـِمـَه ـ مـــاأنـْسـَه وجـْهـَه اوگِــصتــَه

لـكِـنـهـَـه دنـْـيـَـه او زايـِـلـَه ـ (دَرفـشـك) بـيـهـَـه ارفــَـعـْــتــَه

لـو دامـَت الـغـيرك ، چـِـذب ـ تــوصـَـل اشـْــلـُون الـْدـيـْـتــَـه

يـصعـَـد نِـفـَـس ، يـنـْزل نـِـفـَـس ـ طـيْـبـَه اوتِـشـِع نَـشمـِثــْـتــَه

***

الـْـدِنـْيـَـه ياصـَبـّه وكـِـت ـ والـْجـَـمـْره تِصـْبـَح هـَـفـْـتـَـه

واتـولــّد (الـهـفتـَه ) جـَمـُـر ـ والـجـَمـُر انـت اشـْـعـَـلـْتـَه

بـَدّلــَوْ جـلدتـْهـُم أمـِـس ـ ( مـَـسـْـراك ) مـــــــابـَـدَلـْـتـَـه

الـدِنـيـَـه (نـاعـور) اويـُفـُـر ـ يــُغـرف إلـَـك (يـَردِنـْـتـَـه)

نـوبـات طيــنـات او رَمـُـل ـ يـُشـمـُر اعـليـك اوشـِـلـْتـَـه

الـْدِنـيـَه (رَحـَّـه) او ماتِـچـل ـ تـاكـِل (لـَهـو) ابـمـاچـلـْتـَه

واثـياب بـويـَه اتـبـَدّلـَـت ـ (ثـــوب  الـطـْهـُــر) ماعـِفـْـتـَـه

مـالِـبـْسـَوْ (ابـْـيـَض) للأسـَـف ـ أسـْـوَد لِـبـِسـْهـُـم شـِفـتــَـه

الـنـاس بـِـتـْـراب اوتِـهـِـلْ ـ وانـت (الـورد) هـَالـْـهـِلــْـتــَه

بــَدر انـت يـَـ (عـَبـدَ الله) اوتِـهـَـلهِـِـل

كِـلـْمـَن عاف نـَهـجـَـك هـالـْـتهـَلـهـَـل

تـُموت انت ، وامـوت آنـَه اوتِهـَلهـَـل

أهـَلـنـَه هـَلـهـِـلـو لـو إحـنـَه مِـتــْـنـَـه

فـُـرَحـْنـَه انـْـقـابـل اولِلـْهيي مـتــنـَـه

لـكِـن كِـل أغـم واشـثـِـخـِن مــَتــْـنـَـه

أبـْـداً مايـِحـِــب الـدّيـــن ( نـافــُـگ )

مـُنـافِـق يـمـدَح ، اولـِلـْـحِـثـِل نـافـَگ

الـْـحـَي لـو كـــُفـَـر بالْمـاري نــافـُـگ

عـلـيـه بـَس اللـّـطـُم ، مـَحـَّـد يـِهـلـْهـِل

اوعبـد الله ريـّـس كِل وكِـت ـ (ريش امـّه) صايـن (عـِفـتـَه)

(دلاّتـَـه) گـَهـوَه امـْهـَيـّـلــّه ـ وامـْضيـفـَه خـيـرَه ابـْسـَـلــْـتـَه

والـنـَجـِم (عبد الله) الـنـَجـِـم ـ نـَـجـْم ابـْسـِمـَه اونـَـوّرتـَــه

إنـت (مـَجـِـد) بـانِـي الـمـَجـِـد ـ عِـد (هـَيـّي) مـَجدَك نِـلـْـتـَـه

(ريش امـّا) تـُبـقـَه اوهـَـم تِظِـل ـ شـِـنـْيـاورك هالـْصـِنـْـتـَه

يـصعـَـد نِـفـَـس ، يـنـْزل نـِـفـَـس ـ طـيْـبـَه اوتِـشـِع نَـشمـِثــْـتــَه

 

 



 

 
  عدد زواراليوم 162722 visitors (342953 hits) مرحبا بكم  
المواضيع المنشورة لا تمثل بالضرورة رأي موقع عصافير، و إنما تمثل وجهة نظر كاتبيها
جميع الحقوق محفوظة لموقع عصافير
 
 
=> Do you also want a homepage for free? Then click here! <=
Bookmark and Share www.3safer.de.tl ,münchen, mandäer, irak 2010, صابئي , صيبي, مندائي, م, شعر عراقي, كاظم الساهر, حبو غزل, تعارف, طرب, افلام عربية, قصص, ابوذية, مسجات, ردح, اغاني, ص, ع, ا, ك, باجه, جاي و سمك مسكوف, دولمة, التكبر , التواضع , احبك, برازيليِ