إحـْـنـَه

عـَظــّـيـنـَـه الـچـَـلِـبْ

الـمحامي

عـماد عبد الرحيم الماجدي

إحنه عظينه الچلب ـ ياصبّي اصحه ـ لا تصدگ چلِب عظنه

امچـفـنيّن ابغربه نمشي ـ اومامش اليشري ابچفـنـّـه

اونشرب ابـْـدم الندامـَه ـ على الرّاس اوگِلـْـنـَه مِحـْـنه

مادريـنه الـْـصّوچ بـيمَن ـ ماعِـرفـنه الصّـوچ عِـدنـَه

لو نِـدَب صبّي  أخـَيـّه ـ ايشوف روحَه ابـْطـرگ ونـّـه

يبچي واحِـدنه اعله روحـَه ـ لو سكت حَسباله غـَـنـّـه

آخ ياغربة ْابنادم ـ من تِدَردم ـ تِـسمع ابكل إذن طـنـّـه

لـو يريد الصبّي يحچي ـ (اگروب) جوگه اعليه هِـظـنه

أومِـن غـريب ايصيح بينه ـ بـَطِـن  تـاوه ، زبـدَه مِـعـنـَه

إحنه عظينه الچلب ـ ياصبّي اصحه ـ لاتصدگ چلِب عظنه

***

لـو فِـناجينك تِـصوصي ـ من عـِطـَشـهَه إلهَه رنـّه

من فِـناجينك تـِـگهـْوَت ـ رَنـّه خويه اتصير خـنـّـه

او لو رسَـم صبـّي غربته ـ كِـسَر قـَـلمه اوعاف فنـّه

گـالو الغـربه نِـوايـِـب ـ لو عِـشتهـَه اتصير جـَـنـّـه

حتي (الـِچْـليب) ابغـربته ـ ينبح او لو يعـْوي غـنـّه

زرعَت الوادم اوإكـْـلـَـت ـ هـُـوَه امن المامش حِصدنـَه

نـاس تاكِـل بالـْـخضيري ـ طوش ناكِـل ماشِـبـَعـنـَـه

من تِـتريع من شِبـِـعـهَه ـ نِخلط افــْصَمهُم فِصَمنـَـه

إحـنـه بـَس (سوفه) أكـِلنـَه ـ اوهـُمـّه گـالـَوْ ضاع حـَكًـنـَه

نـار ما يـطـْـفي وكِـتــْـنـَه ـ لو طـُـفـَـت يزعـَـل حـِطبنه

غـُربه ماهي الإجت لينـَه ـ  إحنه ليهَه الغربه رحـْـنـَه

إحنه عظينه الچلب ـ ياصبّي إگعِـد ـ لاتصدگ چلب عظنه

***

الأسَـد بالغـُربه ساكِـت ـ غِـلگ حـلگـه اوطاح سِنـّـه

والعِـگارگ كِـلهه شـاخـَت ـ عَ الـنهـَـر وانـْهـِـزم رگـنـَه

شفت بالغربه ثعالب ـ باعت الفروَه العليهه ابغير مَعـنىَ

اولبست الرّيـش ابـّدالـَه ـ اتصيح خويه اتـْـگـول تِـبنـَه

اوزوري بالغربـَه اشكِـثرهم ـ صار كوسج من فـُـگـرنه

عِـفنه درفش يهيا يـثغـب ـ عفنه گـنزه اوحـُـكم ربـْـنـَه

كافي من (جِـدر المغـَـطـّـه) ـ كافي ياصبه انفضحنـَـه

كافي (سوفه او لاتشَّهي) ـ خوف ، نرعش ضاع حـگنـَه

امْهلـّس اجناحه اويگـوكَـي ـ ريـش مامِش ، گـال طـِرنـَه

إحنه عظينه الچلب ـ ياصبي والله ـ لاتصدگ چلب عظنه

***

هلهلو گـالو جديده ـ خوتي جمعيه جديده ـ اوهم فرحنه

صفگينه او طگةْ الإصبع مُطگنه ـ هوّسينه اوهم رگصنه

كَـِلـنـَه غربـَـتـْـنه تِـنـَوْرَت ـ طـَبـّـليـنـَه اوهـَم ردَحـنـَـه

خـلــّو الصبّـي (رهـينَـه) ـ مثِـل لحمـَه ابـْجـِـدر فِـرنـَه

اهنا اجَوْ يبنون رهمي ـ ابحوض الِـكـْـنيسَه انصبغـنه

ثاري (جيثوم) اعله صدرك ـ فـَـسـَّـر الأغـْـبر حِـلمنـَه

ياحلمنه الماخلص ليله يصبّه ـ اردود نِـمنه اوماگعدنه

ثاني يوم احنه انـْـتِـثاوَب ـ ثاري (نومة ْكهـَف) نِـمنـَه

اشلون يا (ماري) دخيلك ـ بُو الفرج مـامِـش يـِـردنه؟

إحنه عظينه الچلب ـ ياصبي إنهض ـ لاتصدگ چلب عظنه

***

شيخ داخل :

صرنه نصبغ بالكنايس ـ روحي لعـْبت والله شِطنه

اشلون تالي ادخيل بختك ـ صرنه ويّ الدّين هِـدنه

انـْحارب ابديـنك يـَـداخِـل ـ بعـَـد ماتِـگـدر تــِصدنـَه

شيخ (عبد الله) اشتكيلـَـك ـ يانجـِم ويـنك الحَـگـنَه

شيخ جوده عمي إگعِـد ـ جيب (يحيى) اوبات عدنه

(آدم) الله اعليك خـَبرَه ـ (جـوده) مَخبوص ابدردنه

(درفشك) كِسْرَوْ خشبته ـ اورستتك عـافـَـت جلدنه

شالـَـو (الهميان) منهه ـ گـالوْ (احزام) الـْـيلِـمـْنـَـه

اوصارو ايصبغون جوگـه ـ جوگه هـَالصاير مَهـَرنه

صارت الـدنيه اونـِبشرك ـ گـازر اومرتـَـد يـِضدنـَـه

عـَوَض هميانك يداخل ـ خيط (تيرَه) اوگـمنه حِكـنـَه

إحنه عظينه الچلب ـ ياصبّي سـوفه ـ لاتصدگ چلب عظنه

***

غـُرُب خلطـَو وابـْـنسِلنه ـ جرش ذبـّو شـِتـَـل عِـدنـَه

اوصارَو انصاف الصبيبي ـ فاس عنده اوهِـدم سَدنه

(لـَطم شـَمهوده) لِـطـَـمنه ـ نرجع او نـُـلطـُم لـَطـُمنه

خاله (بتْ مفرش) إگعـْـدي ـ عـِـجـَز جـِـدّامچ شـِعرنه

خالـَه (رجـِيـّه) سِمعـْـتي ـ مامش الـْيحـْـفــُر گـبرنـَه

وينـِچ (أم العيبي) ويـنچ ـ حـُفـرَوْ اوباگـو لِـحِـدنـَه

يالله شِـعرَن حيل الـِطمن ـ يا هضيمه ابغربه ضعنه

زلـِـم عـافـونه نِـلـوبـح ـ لِـلـْـذبح مَـشروع صِـرنـَـه

غربَـه نبقى انعيش غربه ـ مامِش الحادي الـْيلمنه

امچـَفِـنـّين ابغربه نمشي ـ مامش اليشري ابچِـفـَـنـّه

إحنه عظينه الچلب ـ ياصبي والله ـ لاتصدگ چـَلب عظنه