ابـْـشــُـومـَيهون إد هيي ربي

إگــْعِــد إگــْعِــد شـيـخْ داخِـل

ــــــــــــــــــــــــــــــــــــــــــــــــــــــــــــــــــ إگــْعِــد إگــْعِــد شـيـخْ داخِـل 

المحامي

عـمـاد عـَـبــد الـرحـيــم الـماجـدي

تـحـيـّـة صـابئيـة

إگـعِـد إگـعِـد شيخ داخل ـ إگـعِــد اوشـوف الـْمـُصيـبَـه

إگـعِـد احـْـنـَه ادخيل بـَخـتـَك ـ شوف مِـلــَّتـْنه العجيبـَه

إگـعِـد اوشوف الـْنَه چاره ـ كِل كِـتِـر صِـرنـَـه نهـيبـَه

صـبّـه نِـفـْـلَــَت لِـلـْسويد ـ أو صبّه ماتـَت بالشعـيـبـَـه

صبّـه بـَمـْريكا تِـنـادي ـ صبـَّـه وبـْـلـَـنـْـدَن غِــريــبـَـه

صبّه وابـْـسِـدني چـثيره ـ الـْمانـيَه او بـيهـَه الشـبـيبَـه

صَبّي هـولــَـنـْده يـِريـدكْ ـ تِـگـعِـد اوتـِـطـْـفي لِهــيبـَه

صبّي ساكِـن بـِـالجزايـِـر ـ مِـنـْـتِـظِر منهو الــْيجـيـبـَه

صبّي وبـْـصنعاء حايــِر ـ (قـات) ياكِـل مِـن نِـصـيـبَـه

كـنـَدا اودنـْمارك بـيهـَهِ ـ الصبّي مِـشـتـاق الـْـحـَبـيـبـَه

على الصبّه الدمِـع هالـفاض وجـْـرَه

او على الصبّـه الـدهـَر هالجـار وجـرَه

إگـزاره والگـطِـل والـْــنـار وَجْــرَه

صـارت عـِلــّـتي ياصبـّـه بـسـْـمـار

مـانـعـرف حـِـلـو ياصبـّه بـَس مـُـر

آدَم بـُـو الـفـرَح لـو مـَرّه بـَس مـَــر

أگِـلـّـه (اشـيـوخـْـنـَـه) عَ الـديـن وجـْـرَه

كافي من (دّگ الـربابـَه) ـ اتـْگـَطـّعت أوتـار المـُصيبه

شيخ داخل والله ضِعـنه ـ صِـرنـَه سِـكراب الشعـيـبـَه

إگـعِـد إگـعِـد شيخ داخل ـ إگـْعِـد اوشـوف الـْمـُصيـبَـه

*****

شيخ داخـِل صار دينـَـك ـ لِعـبـَه بـيـدْ الـبَعــَض ريـبـَه

لـيش ياداخِـل الـحـَگـنَـه ـ صِـرنـَه لِـليــُبـْرخ نِعـيـبـَـه

گـنـْـزه اوآدَم اوإدريـس سِـرنـَـه

أسـفـَـر والـْـنياني اقـْلِـسـتــَه سِـرنـَه

شـِـلـْنـَه (الـدَرفـَـش) اولِـلـْـهـَيـّي سـِرنـَه

نِـلاگي (الـْيهـيا) والـنـَسـمـَـه الـزچـِـيـّـه

صِـرنـَه وَيْ غِـربان نمشي ـ نِـكتِـل الـحُـر اونِصيـبـَه

والجـَراد الـنـّوب يسفي ـ والـْشـَصِـر حـتى الـْـدِبـيـبـَه

كِـلـْهـَه هـَـدَّت على الصبَّه ـ مِـنهـُم اوبـيـهُـم الـعـيـبـَه

شـَيـَّـخ الـعَـگـروك عَ الرگ ـ هـَـالـْزَمـَن والله عـَجـيبـَه

قـافِـلـَه لو بيـنـَه تِـمـشي ـ الـْچَـلِـب يـُـبـطــَـلْ نِـحـيـبـَه

شيخ داخِـل صِـرنـَه فِـرجَه ـ صبّي يـِتـْشـَفـَّه ابـْـقـريبَه

فـَحـَل توث اوصرنـَه داخل ـ ثـَمَر مامش طرگ هـيبَه

صبّي يـِتـزوَّج اويـِگـْـزر ـ صَبـّي يــِتـْـباهـَه ابـْصليـبـَه

ألِف فِـرقـَه اوألِـف نـادي ـ ألِـف جـَمْـعِـيـّة اوشِـبـيـبـَه

صبـّي اسمك يصبّي وانت ماضيه

صبي للخـلـَـگ حاضِر اوماضيـه

كِـل (عِـلـْم الـفلك ) بالكون ماضيه

ياصبـّه انِـهـْـضوا الـيـوم مِـحـنــَه

مـو إحـنـَه الـنـُُُُُُوطـّي الـراس مـَحـنـَه

مـايـِگدر الـينـفـَـگ خـويـَـه مـَحـنـَـه

صـيـتـَـك صـار سـيـف الـسِـلـِـم ماضيـه

ألِـف رايْ اوألِـف فــَـتوَه ـ ألِـف تـُهـْمَه اوياهـَه غـيبَـه

اومن يريد الصبي يحچي ـ انسـَـكـّتـَه او نخبط حِـليبَه

إگـعِـد إگـعِـد شيخ داخل ـ إگعِـد اوشـوف الـْمـُصيـبَـه

*****

شـيخ داخِـل فِـدوه لِـسْـمـَك ـ صارت الـصـَبـّه غِـريـبـَه

الأبـُـو لاجـِئ ابـْـغـُـربـَه ـ والإبـن عـايــف صِـحـِـيــبـَه

والـْـمـَرَه تِـثـغـَب اوتِـبـچـي ـ اتـريـد والـيـهـَه تِـجـيـبـَه

والـْـبنت تنتظر رحـْـمـَه ـ امـْنِ الـْسـِمـَه تِنـزِل قـَريبـَـه

إجـَه الصبي اوشاف صـَبـّه ـ مِـثــْـلـَه غـُربـَه يامـُصيبه

شـَهـگه الـعـُمـُر ياصبـّه وعـبره

إخـْذ الـدرس مِـن عِنده وعـبـرَه

لِـلـْصبـّي أخـوك اتـصيـر عـبـرَه

لـجـْـل الـدين نِـتـْـوَسـْدِ الـمـِنـِـيـّـه

شـافْ جــوگات اللِـگالِـگ ـ فَـرهـدَت يـاصَـبـّه جــيـبـَـه

شاب شـَيـّـب شـَعـَـر راسـَه ـ گـلـْبـَه شـَيـّب گـبـُل شـيـبـَه

مـامِـش احـّـدْ أَخـَـذ حـَـقـه ـ اوگـلـّه يـَبـْـني گـوم جــيـبـَه

يالله خـَـل نِـعـْـزف (ربـابـَه) ـ  شــاة وامـْأمـّن ابـذيــبـَـه

إگـعِـد إگـعِـد شيخ داخــل ـ إگــْعِـد اوشـوف الـْمـُصيـبَـه

*****

لـيش هالـْـفِـرقـَه يصبّه ـ مو حِـلـو الحامـُض حِـليـبـَه

ابـْـنادَم اشْـماجـِنـَه اوعـَبـَّد ـ أَبـَـد مـايـاخِـذ نـِصـيـبـَه

إلـْمـَن انـْروكِض اونِلـْهـَط ـ تالي تـاكِلـْـنـَه الـْدِبـيـبـَـه

لِـلـْظِهـِـر نايـِـم الـْيـورث ـ حـَـتى (لوفـاني) يـِعـيـبـَه

إذكِـر الگبْـلَك حُـووهـَه ـ افــْلوسْـهـُمْ صارَت نهـيـبـَه

لو إهـي دامـَت الـْغـيـرَك ـ ماإجــَتْ لـِــيـدَك سِـلـيــبـَه (1

يـصبـّه الوكت (رحـّـه) اتدور يـِنـدار

تِـدوّر هـَـالـوكِـت عَ الـشـَـهـِـم يـنـدار

على الـحـَگ الـيـمـُوت ابـفـَـخـَر يـنـْدار

مـوش اعـلـه الـوسـادَه ايـموت ضــَيـّـه

ليش اخونـَه الصبّي جايع ـ واحـْنـَه نثـْرِد ياعـَجـيـبـَه

كافِـي ياصبـَّـه إگِعــْدو ـ صِـرنـَه طِـشـّـار اونِـهـيـبـَه

لو نِصيـر الگَلـُب واحـِد ـ نِـكـْـتِـفي كِـلـْـنـَه ابـْزبـيـبـَه

صبـّي لو أمـّـن ابـْدينـَه ـ يـمـْشي لِـلـْحَـگ اويـجـيـبـَه

يـَصبـي الألـَـم هذا البـيك والـمـاي

إرشـِم وابـرخ اوبالـْـيـاس والـماي

نِـظيفـَـه (النشمثـه) امن الـزاد والـْـماي

إلـبـَـس (رسـتِـتـَـك) واطـْمـش ابـمـَيـّـه

الـْمارُفــَع دَرفــَش يـَهـانـَه ـ هــَيـّي ياصَـبـّه رَقــيـبـَه

نِحچي إلـْمَن شيخ داخِـل ـ كِلـْمـَن ايْـسوگــَه حِـلـيـبَـه

إگـعِـد إگـعِـد شيخ داخل ـ إگْعِـد اوشـوف الـْمـُصيـبَـه

ــــــــــــــــــــــــــــــــــــــــــــــــــــــــــــــــــــــــــــــــــــــ

1ـ لـو دامـَـت لغـيـرك ماوصـَـلـَـت إلـيـك ( الإمام علي ع )