كـافـِـــــــــي

المحامي

عـماد عبد الرحيم المـاجدي

تحيــة صـابئـيـّــة

كافي كافي ، اوكـفـكـِـف ادموعـك ، اوكافي

دَمعـَـك ايشربون حـِزنـَـه ـ مـطر گالـَـوْ صيف مـِزنـَـه

حِـنـّـه بيهـَـه او داف دمـّي ـ صـار حِنـّـه اوحـَنـّـه چـَفـْهــُم

كافي من سـَـهـْر اللـيالي ـ كافي عـَـد نـجمـات إلهـُـم

كافي من دَمْـع الـْـتهلـّـه ـ تِسگي دومك وابشـَـتـلهـُـم

كافي من شعـر الـْـتنظمه ـ وهـُـمْ يهجـوك ابـْشعـرهم

كافي مو هالشاب راسـك ـ شـيـب راسك من دردهـُم

كافي مـو شـَوْفوك حنطـّه ـ اوباعـَـوْ اشعير ابـچـذبهـُم

كافي مـو طاحت اسنونك ـ او يرگص الـسِـن ابضحكـهم

كافي رمشك غطـّه جـرحـك ـ والكحل طـَرّز رمِـشهـُـم

بين الـْحـَيا بين الـموت رمشـَـه

ثاريهـَه الحياة اوياك رمـْـشــَـه

مثل جـفن اليطيح ابگاع رمشـَه

أدَور اعليه ! شويضحك علـيَّ

كافي موچانــون حـُبـّك ـ صـار وابـنـارَه فـحـَمهـُـم

كا في يانخلك البرحي ـ عوسـَج ، اويزهي نخـَـلهـُم

كافي مو إكـْلـَوْ ابـتـَمـْرك ـ وانت بس تِـحسِـب فصمهم

كافي تاكل طوش دگـلـَه ـ اوشـامِت الياكِـل رطبـهـُم

كافي مو گِـطعـَوْ وريـدَك ـ صِـرت عِـطـّابه الـجـَرحهـُم

إذن كـافي طِـلـَع حـُبـّـك ـ ذبـَح روحِـي او موش شـافـي

كافي كافي ، اوكـفـكـِـف ادموعـك ، اوكافي

***

كافي مـو هـَدّوْ حياتـك ـ صِـرت مـوكــَر والسَـلبـهـُم

كافي مو هالـنِشـَف ريـجك ـ مـاي مـَنـْذور الـعِـطشهـُم

كافي مـو مـحبس خـطبتـك ـ صـارت اشموع الـعِرسهم

كافي مو حـتى الأغاني ـ صارت الـحـان الـعـَـزفـْـهـُم

تـُبـقـَه قـوس اوترمي سهمك ـ يـرجـع الگـلبك سـَهـَمـهـُم

گظيت آنـَه الـعـمـُر ويـّاك بس هـَـم

رمح هـَجـرك تِـشـِـچـّه ليش بـسـهم

باعـوني غـدِر مـازاد واسـْهـُم

كل سـَهـْم اويصير ابـقوس سـَهمي

أرميـه اويصـيب اچـلاي سـَهمي

سـَهـَم سـَهمـين لو عـشْرات سـهمي

تِـمـَرعِـد بالـگـلب تِـسگـيه بـَس هـَم

لاتِعـد نـجمات چـذبـَك ـ گـِلـت سـَهرك من سـَهـرهـُم

اولاتـِگـول الشمس طـلعت ـ وانت چـِـنـْتِ (افياي) إلهم

اولاتِگـول الگـمـَر غـَنـّه ـ وانت مونـَغمـَه ابلـَحنهـُم

اولاتِـگول ، اولاتِـگول

اولاتِـگول ، اوكافي كافي وامسـَح ادموعك يـظالم

دمـَعـَك ايشـربون مـايه ـ ـ حـِنـّـه صـار اوحـَـنـّه چـفهـُم