أبــُــو الـــفـــرّّارات

الـمحامي

عِـمـاد عبد الرحيم الماجدي

فــُـرارات ، فــُرارّات ـ خـَـلـْنـَـه انــْْبـِـيـع الــْـفــُرارات

بِـعـنـَه الـصبـّه ابـخـُبـْز اليابس ـ قـَشـْمـَرناهـُم فــُرارّات

فــُرّن والـْهـَويات ايـْـفـُـرَّن ـ بيـچـَن وانـْتـَّن مـَبـيوعات

مَـعـلـيـنـَـه بالـْـيگِـْـزر مِـنكـُم ـ والـمـاخِذ مـِـشـمانِـيـّات

مَـعـْـلينــَه بالـْـيتبـَع (يـَهـْوَه) ـ يـرجع يـاخِـذ صـَبـيـّـات

مَـعـلـيـنـَه بالعـايـف ديـنـَه ـ والمِـتــْْـزوج غـَـربـِـيـّـات

إتــْوَنـسـُوا ، حِـريـّه اوصارَت ـ مـَحـّد يـاخذ صـَبـيـّات

نصبـُغ بالـحوض الـمـَي دافي ـ نِـعـلـگ إلـْكـُم دفـّايـات

آخِـذلي ايهودي اومشماني ـ و (اليـَهـوَه) ايْـزف الـزفـّات

فـَرْق (ابريخـَت) مامِش عِدنـَه ـ مِـتـْـثـقـفين اومِـثــّقـْفـات

فـُـرارات ، فــُـرارّات ـ خـَـلـْـنـَـه انــْْبـِـيـع الــْـفـرارات

***

يـاصبـّه أرْدَ احـْچي اوياكـُم ـ واتــْـذكـْرو هاي الـجِـلمات!

(الأجـرَب يعديلك صاحي) ـ (لاتـُربـُط صاحِي ابـجـَربات)

مِـن يـتـْـلـَوّث (دَمـّـك) إعـرف! ـ ماتِـنـفـَع بـِـيـه ْالـْـدُوْيـات

(إيدَك) لو ماتـَتْ تِگطـَعهـَه ـ جِسـْمـَك يـُبـْقـَـه اوماظِن مات

ماتِهتـَم (شاة الـْتِـصلـَخـهـَه) ـ مِـن تِـذبـَح ياصـَبـّي (الـشـاة)

(نـَشـمِـثـَـك) ماهي الـمـَسؤولـَه ـ عَ الـنافـُگ والـمـِرتـَدّات

كِـل (لـَشـّه) اوتِتـْعـَلـّگ تِـدري ـ مِن (اكراع) البيهّه (اثبات)

(الـْيـُنـْفـُگ) إبنـَه امـن (الـْدارَه) ـ لازِم تـوجـَـد (سـَلـْبيـّات)

و(الـنـُفگـَـت) بنـْتـَه امن الـصـَبـّه ـ لايـِتـصَــوّر طاح اومات

إيـحافـُظ عَ الباقي او(يـُبرَخ) ـ يـِدعِي امـْنِ (الهيـّي) الـدَعوات

مـُو (تِطلگ واتجيب إبيـّتـَه) ـ (أمـْهـَه اتـْسـَوّي الـْمـَمـْيـّات)!

و (الأب ايـْـلـولي ابْلـَعـّابـَه) ـ (كاروكـَه اتـْهـِـزّه الـْخالات)

الـْيـِطلع من عِدنـَه او (يـُنـفـُگ) ـ يـِكـسِر ضِلـْع (النـَشـْمِيّات)

فـُـرارات ، فــُـرارّات ـ گِـمـْنـَه انــْْبـِـيـع الــْـفـرارات

***

ياآدم  يانـوح اوشـيتـَـل ـ سـام ، اوإدريــس ، او(يـَهـْيات)

نِـشكيـلـك يا (هِـيبلزيوَه) ـ يا (مـاري) يـابـُو ( الـشِـدّات)

مايحْچـُون (البعض اسـويچت) ـ أيـْدَوْ ياصـَبـّه (الگِـنزات)

(گنزة سـِدني الفايـز جـايـز) ـ بـَس اشـويـّه امن النسبات

إخذوا (الفايـز) موش اهوايـَه ـ (لـِذدَربسكي) گـال اومـات

(گـنزة بغـداد ، المـتنبي) ـ صايغ شاعِـرنه اصيـاغـات

(الـْهـَيـّي) ماگايـل هِـيچي ـ تـَرجـَـمتـوهِـن مـَبـتـورات

(مـَنـْدينـَه) اتـْفـَرْهـَد ياصـَبـَّه ـ واحـْـنـَه انـْبـيع (الـفـَرّارات)

و(الصبـّه) ماتِدري الوجبه ـ مِـلـْتـَهـْيـَـه اتـْـعِـد الـتالات

بِـعـنـَه الـصبـّه ابـخـُبـْز اليابس ـ قـَشـْمـَرناهـُم فــُرارّات

فـَـرّارات ، فـرارّات ـ رحـْـنـَه انــْْبـِـيـع الــْـفـرارات

***

خـَـل نِفتـَح (مندي) ابـديرتنـَه ـ نِـجـمـَع كومـَة (دولارات)

(سِرقفليـّه) اتـسـِـد (الـفايـز) ـ نِـدفـَع بالباقِـي (اقـرانـات)

نِـتـشـارَك ويَّ (المتـعـَولِـم) ـ وانـْـفـَـتــّح بالجـَـمـْعـيـّات

نِـكتب (أسماء المندايي ) ـ من (الـصين الـْـخِـرنـابـات)

إنـْحِـط عـايلـْـتي اوعايلـتـَـك ـ وانـزوّر بالـْـتـرشيحـات

وانـْسـَوّي (امْجـَلـّه) اونِكتبْهـَه ـ سـَبـْعـَه لـوعشـْره اوريـقات

سِـعـر الـوحـْدَه نـُربـَح بـيهـَه ـ وانـْحـَشـّيهـَه امْـن الداتات

يــشطب إسم الكاتب ويلي ـ وايحط إسمَه اوهـذا اثـبات

تـالي انـْـسـَوّي (الـميزانيـّه)  ـ واتگـُب ياصبـّـه الـعيـطات

ياهو اليقـرَه او ياهو اليكتب ـ شـِبـْچـَت ياصـَبـّه الـچلـْمات

الـصـَبـّي امـْشـَرّد بالغربه ـ يـِتـلـكـّه ابـروحـَه الـصـَدمات

ماشاف امن اسنينه الراحـَه ـ لاهو الحي او لاهـُو الـمات

فـَـرّارات ، فـرارّات ـ صِـرنـَـه انــْْبـِـيـع الــْـفــُرّارات

***

ضاعـَت بـَزرتنه او ياوسفـَـه ـ نِـسأل ياصبـّه الـحـارات

والـْنـّوب ايـْـبـَشرون ابـدينـَـك ـ رفـْعـَـوْ لِلـباطِـل رايات

(أنـْصاف الصبـّه) ايـْسـَمـّوهـُم ـ (مِـلواشتهـُم : طِرگاعات)

(نِص حـَيـّه اونصهـُم جـِريّه) ـ اشـلون انْسـَوّي (الملواشات)

هـَلهل يـَـ (سـْنيـچر ياداخِل)  ـ صـارَن عِـدنـَه الـجـَمعيـات

والـجـَمعيـّه الـنـوّب اتـفـَرّخ ـ (عـَمـّه اوچـَنـّات او خالات)

(لـوفاني) انـسَوّي اونِـتـعاوَن ـ (نـَصـراني اومـَنـْدائيـّات)

يـِقـرَه (المستـرشِـل) بـ (البوثـَه) ـ يـِقـْسـِم خـُبزه امْنِ الخـُبزات

مـَرتـَه (المشماني) الـْتِشـْهَدلـَه ـ واتـحِط بالبيت ابـْخـُورات

(بـَزر الرش) ايـْـلِف الـكـُبـّه ـ وامـّه الـتِحـْميلـَه (الطاوات)

الـْعايـِف دين اهـْلـَه اوگومَه ـ (شـَرْشانَه) ايـْشـَوفـَه الـْعـَثـْرات

فــُـرارات ، فــُرارّات ـ صِـحــْنـَه انــْْبـِـيـع الــْـفــُـرارات

بِـعـنـَه الـصبـّه ابـخـُبـْز اليابس ـ قــََـشـْمـَرناهـُم فــُرارّات

***

هـذي (الدارَه آخِـر دارَه) ـ (دارَتـْنـَه) تـالِـي (الـْدارات)

خـَلْ (نـُبـْرَخ نِرشـِم ) ياصـَبـّه ـ نـُرفـَع (دَرفـَشـْنـَه) الـْهامات

كِـل (صـَبـّي) الياخِـذ (صَبـيـّه) ـ يـِـتـْشـَرّف بالـْصَبـيـّات

و (الـْصـَبـِيـّه تـاخِـذ صـَبـّي) ـ (أصْـلِ الـسِـنـْبـِلْ بالـْحـَبـّات)

أولادك صـَبـّه اونـُصـْبـُغـْهـُم ـ وانـْطـَلـْعِلـْهـُم (مِلـْواشات)

لـِـ (المـَنـدي) كِل أحـّد نِحضـَر) ـ نِـتـْجـَمـَّـع بالـْصـُبـْحِيـّات

نِـتـعَـلـّم نـِِقـْـرَه (المـَندايي) ـ نِكـْـتِـب ياصـَبـّه (البـوثـات)

نِتـْعاوَن نِبـْنِي ابـْـ (مـَنـْدينـَه) ـ نِدعِي امْنِ (الـهَيّي) الـْدَعوات

و(التـَرميذه) ايـْحـُفظـَه (الماري) ـ تِطلـَع من حـَلـْگه الچلمات

(يـِحـفـُظ صَـبـّتـنـَه امْن الرّوهـَه) ـ و (الـْشـِفـْياهِي والـْزلاّت)

مـَوجود الـْحَي (مـَبروخ اسمـَه) ـ تِـشتم مِن عِندَه الـنـَسـمات

(الـْهـَيـّي نـَسـْماته ابـروحـَـك) ـ (دَرفـَشـكـُم أحلى الـرايات)

و (الگـنـْزَه دَسـْتـُور الصـَبـّه) ـ لِـلـْصـَبـّـي اولِـلـْصـَبـِِـيـّات

بِـعـنـَه الـصبـّه ابـخـُبـْز اليابس ـ قــََشـْمـَرناهـُم فــُرارّات

فــُـرّن والـْهـَوْيـات ايــفـُرّن ـ بيـچـَن وانـْـتــَن مـَبـيــوعات

فــُـرارات ، فــُرارّات ـ خــَـلــْـنـَـه انــْْبـِـيـع

الــْـفــُرّارات

أبو الفرارات 


شعر جميل جدا جدا 
معبر له معاني واضحة 
ممتع بشكل لا يوصف 
لدي سؤال ؟ 
هل نترقب المزيد من الأشعار الرائعة 
التي تنقد مواضيع أخرى 
وصعوبات تمر بها الطائفة وأبنائها 
في الغربة وكذالك أبناء الطائفة مع بعضهم 

مثل  الخصام . زعل العمة . طلبات الزوجة . الحب بعد الخمسين .. 


شكرا والى المزيد 

أبو شكري