الـخــــــــــاطِــر الله

المحامي

عـِمـاد عبد الرحيم الماجدي

الخــاطِـر الله نـَـظـْره مِنـّــّكْ

نـَظـرَه وحـدَه اوكـون يـَمـّـكْ

أرتِـوي مِـنـّـك حـَـبـيـبي ـ أرْد اشـِمـّـك فِـدوَه اشـِـمـّـكْ

چـنـّي أشتـَم ورد جـوري ـ يـخـْسـَه والله ايـزوُد عِـطرَك

أردَ الـِمـّـك ... فِـدوَه الِـمـّـكْ

إنت عـيني حِـضن لـيلــُـو ـ اشـلون يالـيـلـُـو ألِـمـّك

أرد احضنك ... كون احضنك

هذا يعني أحضن الدنيه ونامـَـن ، من أحضنـك

أرد اكـَحلـَـك  ... بيدي كـَحْـلـَـك

شِـرَد مـيـل الكِـحِـل مِـنيّ ـ ايغار مايـوصـَـل الـكِـحلـَـك

آنـَـه اذكـْرَك ... دوم اذكـْـرَك

مانِسـيــتـَك إنت آنـَه ـ مانسيتك ياحبيبي حتى اذكرك

أردَ اعِـبـدَك ... والله اعِـبدك

بـَعـَد ربي استغـفِـر الله ـ واشـْـتِـكي مِـنـّـك الـْرَبـّـكْ

***

آنه اذكـْـرك ... دوم اذكـرَك

مانِـسيـتـَـك إنت آنه ـ ما نِـسـيـتـَك حتى اذكـْرَك

اشلون انكرك ؟ فـكـّرت نوبات انِـكـْـرك

نِـذر كِلـّـي (الحِنـّه) إنت ـ فِـدوه أوفي ، اشلون نِـذرك؟

شـيل زلـْفـَـك ... عـيني زلفـَـكْ

زلـِف غابِـه  ، اشلون شال الـْـزلف مـَتـْنـَـك

يا (كلبدون) الِـبـْـراسَـك ... عـَـنـّي مـَيـّـلْ

ذهب صافي ، ثـاري لـون الذهـَـب شعـْـرك

يـاخـضـار اللون عـينـك ، ياخضارَه

شـذِر أخضر ، والـْشـذر ياعـيني كِـلـّـكْ

والـْـعـَسل ، ياعـَـسَـل شِـفـتـْــك

خِجـل طعمه  ، من يـُمـُر والله اعـله شِـفـتـَـك

أردَ اعِـبـدَك ... والله اعِـبدك

بـَعـَد ربي استغـفِـر الله ـ واشـْـتِـكي مِـنـّـك الـْرَبـّـكْ

***

ويـلي يانـَـظرَة اعـيونك ، سـَـهـَم يـجـْـدَح

مِن تـرامي ابهيدَه صَـوّبْ ، أبـَـد ماتخطيه سـَـهـمـَـك

قـوس ياعيني الـحـواجـِـب ، يالحواجـب

والـحواجب من تـُبـوس اشواي رمـْشـك

ردْت أظِـفـْرَن بالگـصيبـَه ـ الـْتِـعـَب منهـَه اوصاح زلـفـَـك

والـخـًصـر ياخـصـر حـوته ـ مِـنـگِـطع شـو چـَـنـَّه خـَصرك

گلبي شو (چانون) وايـْوج ـ صـار مجـنون اعـلـَـه جـَمـرَك

امـعـَلـّـگ اوچـَن نجمه آنه ـ تِـنـتِـظر طرّتـتْ فـَجـرَك

نـوبـَه احس فـَيْ آنـَه اصيرَن ـ مايـُفارگ أبـَد شـمـسـَك

نـوبـَه اصيرن نـَهـَر چـنـّي ـ أرد انوشـَـن صدر جـرفـَـك

نـوبـه اريـدَن دمِـع عيني ـ ايصـير خـِطـّار اعلـَه جـِفـنـَـك

اونـوبَـه اشـوف الـوان الله ـ تِـسـْـتِـحي امن الـْوان خـَدّك

أردَ اعِـبـدَك ... والله اعِـبدك

بـَعـَد ربي استغـفِـر الله ـ واشـْـتِـكي مِـنـّـك الـْرَبـّـكْ

***

يا (سِـفـَرجل) مِـنـّـه طـولك ـ نـار كِـلـّـك مِـن يـگربـَـك

صِـرت الـوبح چـنّي سِمچه ـ امْزوهِرَه اوصايدهَه شِصّك

شِـجره كِـلهَـه افـْياي طولك ـ حـَدِر آنـه افـياي غِـصنـَـك

گـيمـَر اخـدودك حبيبي ـ عـونه كِلمـَن ضاگ طـعمـَـك

ليش ؟ شو فجأه حـَبيـبي ـ ما ( دِفـِـت ) بـيديـك حِـنـتـَـك

شـو شفت دورَة اعـيونـَـك ـ عافـَـت او كِتـلـت نـَظِرتـَك

شـو شفِـت وردِ الِــبـْروحـَـك ـ عـاف ألـْوان الِـبـْـخـَدّك

شـو شِـفِـت چـَن گلبي واگف ـ اشماله گِـتـْله اشبيهه دَگـتـَك

شـوشِفِـت چـَن نـجـم الله ـ مابـَـعـَـد بـِسـْـماه يـِـعْـلـِگْ

چـَـن نبض وابگـلبي چـَنـّه ـ من جـِـفاك اوشـوفـَـه يـنـتِگ

شـو طفـَـه چانون روحي ـ مابـَـعـَد جـَمراتـه تِـحـْرگ

ثـاري گـلبك دار راسـَـه ـ عِـطـَش يـشرب ماي يشـرگ

وارجـَعِـت لـَمـّيت روحي ـ شـَمعـَه صارت تِضوي دَربـك

كـافي يـُمكن خِـلـَص لـِـعبك ـ اهـناك يمكن يـِصْحه گـلبـَـك  

أردَ اعِـبـدَك ... والله اعِـبـْدك

بـَعـَد ربّي استغـفِـر الله ـ واشـْـتِـكي مِـنـّـك الـْرَبـّـكْ