edmilia.tk <body> </body> google-site-verification=Xz06IR0Fyb2MKO7FygwFviEwK6XKl7AUITzo_UlSHGQ الـــحــب الحب أجمل ما يوجد في هذه الحياة بدون الحب لا توجد حياة فالحب أسمى معاني الحياة وللحب أشكال كثيرة ومعاني أكثر لكن أروعه حب الأبوين حب الأم وحب الأب فلولا هذا الحب لما وجد الحب أصلا
   
  عصافير
  عماد عبد الرحيم الماجدي
 
-

 

المحامي عماد عبد الرحيم الماجدي

بـغــــــداد

زلفه امن المسچ عِـطرَه ـ جدايل باسَت ازلوفه

ورده بيضــه

ورده

أبــُـــــو دگـــــــــــه

إذا چـان ... إذا صــار

إذا إنـــــــــت

  إلـْـمَـن أحـِـن
 إشـــــــگــَـد بـچـــيــت



بــغــداد


بــغــــــــــــــــــــداد
المحامي
عماد عبد الرحيم المـاجدي


ويــنــَه اللي يصيح احـّـاه بـَـغـداد
ويـنــَه اللي يـروح ايشوف ربـْعـَـه
وينه اللي (فـُراتـَه) اتـرابه يـنخـاه
يـروح (الدجلِـته) اويشرب ابـْنبعـَه
وينه اللي يـروح (الهـُور) يـلگـاه
نِشـَف (دمّه) اويكِت ياناس دَمعـَه
وينه اللي صعـَـد (نخلات) الاحباب
يحـُوش (ابتمرته) وايضوگ (نفعه)
وينه اللي (يصلـّي) ابگاع (بغـداد)
ماينسـَه (الـْفـَرض) وايزيد (ركعه)
ويـنه اللي يـروح اويــِحـْسِب ايـّـام
يـِعِـد أيـّام (سَنتـَه) اونسه (الجمعه)
ويــنــَه اللي يصيح احـّـاه بـَـغـداد
ويـنــَه اللي يـروح ايشوف ربـْعـَـه
***
وينه اللي عشگ وايغني كل صيف
وايـْلـَـفلِـف (شِـتاه) افراش طـَبعـَه
وينـَه اللي يـِـزيـد (اسبوع بغـداد)
يوم امن العـُمـُر وايموت (سَبعـَه)
وينـَه اللي يعدهه (انجـُـوم بغـداد)
يغـلـَط بالـْعـَدد وايـعـيـد (جـَمـْعـَه)
وينه اللي يـِـحضنـَـك (گمـَر بغداد)
يـشمّـه امن (الجبين) ايزيد (لمعه)
وينه اللي (مـُضيفه) اوبيته بغـداد
(دلاّتـَـه) ابـْمضيفـَه اتـزيد رِفـْعـَـه
ويــنــَه اللي يصيح احـّـاه بـَـغـداد
ويـنــَه اللي يـروح ايشوف ربـْعـَـه
***
وينه اللي (سـُمعته) احروف بغداد
منهـِـن سـُمعِـته او مازاد سـُمعـَه
وينه اللـّي حِـضن (تـمّوز) ياناس
واحزيران عاشَه اوضاگ (لفعـَه)
وين اللي تِـعـَـلگ (بـيرغ) اوصاح
(بَـغـداد الـْعـَلـَم) عَ الـْرّوح رُفـْعـَـه
وينه اللـّي (شـَمْعِـته) ابعينه بغـْـداد
يشوف (الدنيه) بيهه النّـور شمعـَه
وينـَه اللي دَمعـْـته (انـْهار بَـغـداد)
هِـنـْيال الـْشرب من عِـدهه (مِجعـَه)
ويــنــَه اللي يصيح احـّـاه بـَـغـداد
ويـنــَه اللي يـروح ايشوف ربـْعـَـه
***
اهـواي الليّ غـِلط ، شِـفعـتله بغـداد
)
شرايـنـَـك) ابدمهه اتصير ( شفعـَه)
بـ (اعيون المها) بين الجسر (صاح)
1 (إرصافة ْ هوى) والعِـشِگ (نـَشعـَه)
(بـَغـداد الرشيـد) او إبنـَه (مأمون)
2 (مَـنصور) البنـَه مـَعـروف (فـرعـَه)
3 و (الكاظِـم الغــَيظ) اللي سِـكن بـيـچ  
ذاع ابـكِل (كِتـِـر) لـلناس (شَـرعَـه)
4 و (النعمان) صاحِـبْ مَذهـَب الناس  
مـَذهب كل فِـقِه للعـَقِــل ( درعـَه)
وبـو النوّاس يـِـشعـَر دومَه وايصيح
تِـغـزّل بـ ( الـْغـَـزال) اوهاذ (طبعـَه)
غـَمـّه اللي نِـسـَه (شـَهگات بغـداد)
(تِـِطــَـلـگـَه بالـْـثلاث ابغـيـر رجـْعـَه)
ويــنــَه اللي يصـيح احـّـاه بـَـغـداد
ويـنــَه اللي يـروح ايشوف ربـْعـَـه

 
 
 
 
 




1
ـ من بيت الشعر لعلي بن الجهم على ماأعتقد :
عيون المهى بين الرصافة والجسر ـ جلبـن الهوى من حيث أدري ولا أدري
2
ـ منصور : الخليفه العباسي أبو جعفر المنصور
3
ـ الكاظِم الغيظ : والإسم من ( الكاظمين الغيظ والعافين عن الناس ) الإمام موسى الكاظم (ع ) المدفون حالياً في مدينة الكاظمية / بغداد
4
ـ النعمان : أبو حنيفة النعمان بن ثابت بن زوطي (رض) / صاحب المذهب الحنفي / أحد المذاهب الخمسة الإسلامية .






زلفه امن المسچ عِـطرَه ـ جدايل باسَت ازلوفه


گـام الجـَرح ينـزف بيك ـ عِـندك خيط واتـْـروفـه ؟
ون شِفتـَـه يتـَعـّب بيك ـ وذا صاح الجـَرح عوفه
بـِـسْمـَـك صاح كل الليل ـ باوع ليه ، بس شوفـَـه
ليش اشمالك اتلچمـَـه ـ عوفه ازرعت بي خوفه
شوفه الدم نضح يضحك ـ بيدك حِـنـّه واتـْـدوفه
ماأدري ضعِـت ياحـيـف ـ ماي اوتـاه بـِجـْـروفه
شال اهوايْ منك ضيـم ـ تِعـبـَت بادَت اچـتـوفـَـه
قاسي اشگـد صعب گـلبك ـ دومه امشرّعـه اسيوفه
سيـفـك حِـطـّه بگليبي وشرعـَـه
يـَدمي صار جـرفانـَـك وشـرعـَه
والله اوهيي والماري وشـَرعـَـه
سـيفـك من يشـِج كًـلبي هـَـديـّـه
مثل گـطن الننِدفه انطلعّه ابصيف ـ روحي دوم بيدك ويلي مندوفـَه
******
أحلى الناس كل الناس ـ سولف ، صِـرنه سالوفه
نـَـسمَه انت وشِمـَـنـَّـك ـ إنت ابـْـروحي مَعـْـزوفه
روح ابعـِد : يگـول النوّب ـ هـِيد اوبسْ ولك )سوفه)
هيعونه اليشمـّـك دوم ـ يـحـَنـّي ابعِـطرك اچفوفه
تضم گـلبك سبع ضمـّات ـ أسْـطي اعليه ماحوفه
(عـَمـْلـَه( اللي يخون اهواه ـ عِـمـَـلهه عَملتِ الكوفه
مـَعروفـك يظِـل حبـّـك ـ مِنهو اليـنسـَـه مَـعـروفه
حبيبي اوبالقساوه اشكثر معروف
أروح ادعي الأيـّمه اوشيخ معروف
فـَرِد نـَظره ولك واحْسبهه معروف
(زدقـَـه( اتصير واتصدّق عـليّ
غـَـمهه الرّوح من تِـسمع ـ إسمك تظِـل ملهوفـه
غـَمّـه الگلب من يسمع ـ اسمك ، تنمحي احروفه
******
تنزف كل جروح اعضاي ـ من تكتب حروف اسمك
نسمه اتغازل العِـشـاگ ـ تِـشـبـَع بوس واتحِـضنك
مـَـنـْذور آنـَه لِـعـْـيـونـَـك ـ أوفـي بـِـالـْـدمِـع نِــذرك
ولـِز اخدودي بخـدودك ـ تـفوج اوتِغـرگ ابدمعـَـك
(ميل الكحل( غار اوفـَـر ـ خايف من رمش كِـحلك
ماأگـدَر دخـيلـك بـَس ـ تِـذوب الروح من هـَجـْـرك
گـلبي ماخـُـمَـد ناره ولـَـك ثار
ماهو زيـن من يعـْـشكً ولك ثار
بعض الناس تتمـنـّه ولك ثار ) الأكثر )
يـِـخافونك يـَبو اخـْـدود الـْـضويّـه
كافِـي اتـمـَرعِِـد الدلاّل ـ سِـجـَـنـْـتـَـه والسِجِـن گـلبك
خـَـليـّـني أعِـد اسْـنـيـن ـ أموتـَـن واحـْتِـيي ابـذكـْرك

******
ليلو اوتِـنـَعـثـَـر حـَـلگـك الـْبيه ـ هيعونه الذي امن الشفـّه لـَمـّـك
والـْشامَـه تِـضـَوّي چنهه فانوس ـ والظلمه تِـضـَوّي ابنار خدك
أگـْـرب منّ اريد اعـْـدِل بـِلـِـزلوف ـ تگًليّ ليش بسـّـك هذا حـَدّك
ياگيمر عـسل بالرّيج معسول ـ ريجـَـك من عـسَـل يالعسل كلـّـك
ياون (الفخاتي) ابـگـيظ الِهموم ـ تغرّد بالـگلب لو طِـلـَع حِـسـّـك
تِـتـْـغاوَه ابغـنـَج تتبـاهـَـه كل ساع ـ هجـرك لِـليحبـّـك طعـُم گـلبك
ياطبعـَـك غـَـدر يتسلـّه بالمَـلچوم ـ يــِفـُـطمَه اعله الهَجـِـر صـَدّك
تِـگدر عَ الـْظـلم للناس بـِهْـداي ـ تِـذكـّـر قِـدرة الله اعـليك ، ربـّـك
هاك اجروح گـلبي اوشلهه بهداي
تِـلچمهه اوشكتلك ، ليش؟ بـهداي
اسلام اومسيح ايهود بهـْـداي) بيه داي : صبه )
دِنيه .. اتصير من هجرك دنِـيـّـه
تعوفه امن السهر يتــْگًلـْوَط ابـنار ـ گـلبي اوللخـَـلـَگ ياناس سالوفه
أطوي قصتي ويـّـاك أنه اوروح ـ سوّي اكتاب قصـّتي اوحِـطـّه بـرفـوفه
زلفه امن المِـسـِچ وامعـَطـّـر افــّـيـش ـ أندار اعـْلـَه اسمك واشبگ احروفه
زلـْـفـَـه امْن الـْمِـسِـچ عِـطرَه ـ جـِـدايـِـل باسَـت ازلـُـوفـَـه
گــام الـْجـَـرح يـِـنـْـزف بـيك ـ عِـنـْـدك خـيـط واتـْـروفـَــه ؟




أبــُـــــو دگـــــــــــه


 


المحامي
عـماد عبد الرحيم الماجدي


يـَـبو دگـّـه اوثلِـث شامات ـ يابو ازلوف حاچـيني
تِـعادي الـناس لـَـن حَبـّـوك ـ الله اعـليك عـاديـني
تِـرمي الـْـنـّـاس بسهامـَـك ـ إغـْـزر زين وارميني
أحبـّـّك وانـذر ابـْـروحي ـ اشـْـلون أوفـيه دلـّيـني
بـَـلـْوَه ياتـَـرف حـُـبـّـك ـ ريـتـَـك بـيـه تِــبـْـلـيـنِـي
أشيـلَـنـّـك (حِـرز) بالرّوح ـ تـِشـَـوّر إنـت ياعـينِي
مَريض ابعشگك احبيـّب ـ جـِسني اوبـَعـَد داويني
حـَچـْيـَك چـَـنـّه بي شارات ـ شـَـوّر بيه واسْـبيني
صِـرْتِ امـْسودَن ابـْحبـّـك ـ داويـلِـي سِــواديـنِـي
هـَـلبَـت أوصَـل الگـلـْبـَـك وهـَـلبـَت
اشـْكِـثرهـَه (ابـتوت دلاّلي) وهَـلبت
شوف اشـْمـَرعِـدَت بيهن وَهـَـلبَـت
بـُقـَـه ايحومي عليك ابكل سـِجــيـّـه
أصيـرَن غِـنوه يـَحـْبـَيـّـب ـ تـلَـحـّن بيهه غـنـّـيني
يـَـبو دگـّـه اوثلِـث شامات ـ يابو ازلوف حاچـيني
***
أشـوفنـّـك شـَمع يـضوّي ـ ليش اتـريـد تِـطـفـيـني
أشوفنـّـك شمس بالرّوح ـ تـُمـَوّت بـِـيّ ، تِحـييني
أشوفنـّـك (ورد) روحي ـ (سِـلـّـي) الـبيه يـاذيـني
أشـوفـَـنـّـك جـَمـُر چـانون ـ حـُبـّـك بيه تِـچـويـني
أشوفنـّـك (بيابي العين) ـ دَمـعـَه ابعينك ابچــيـني
بـِعتني اشـْعير يـَحبـَيـّب ـ كًِـلِـت حِـنطـّه اوتراويني
واشـْفافـَـك كتـلهه (الگـيظ) ـ تِـرد اردود تـِرويـني
يارمـْشـَـك سـَهـَم چـَتال ـ سـَهـْم الرّمِش يـرمـيني
طريق الـحُـب طريق الرّوح ـ الله اعـليـك دلــّيني
ليش اشفافـَـك إيـْلوبـَـن وحَـدهِـن
ماأعـْرف حِـدود الهِـِـن وحَـدهِـن
سچاچينك غِـزت روحي وحَـدهِـن
تِـحِِـدهِن للبـُقـَـه اوهـاذي بـِلـِيـّـه
أحِـبـَـنـّـك يـَـماي العـيـن ـ أمُـوتـَـن بـيـك تِـدريـني
يـَـبو دگـّـه اوثلِـث شامات ـ يابو ازلوف حاچـيني
***



ورده بـيـضــه



المحامي
عـمـاد عبد الـرحـيم الماجدي


وَرْدة بـيـضـَه اومن اشِـمهه ـ ايـفوح من عِـدهـَـه العِـطـِر
وَرْدة بـيـضـَه ابلون گـلبـچ ـ أبـيـَض اومابـي غــَدر
وَرْدة بـيـضـَه ياحـَـلاتـِـچ ـ إنـْـت لـِـلـعـاشـِگ شِـعِــر
وَرْدة بـيـضـَه اوكِل وَرگهه ـ ايـگول ياحبّي اصطبـر
وَرْدة بـيـضـَه اوشِـفـّه تضحك ـ تِـنثر (الليلو) نـثـِـر
وَرْدة بـيـضـَه اوعين حِـلوه ـ افـديوه تـَعـّبهه الـسهـَر
وَرْدة بـيـضـَه تِـشكي حـُبهه ـ ثـاري ظالمهـَه الدهـَـر
وَرْدة بـيـضـَه اوياغِـصنهه ـ خـَدهه رمـّـان انعِـصـَر
وَرْدة بـيـضـَه يامـَـشيهه ـ ( ريــم ) يـِتــْغـاوه اويـُمـُر
كل حنظل تراه ابگاع وايـمـُر
كِـل عاشگ على الـعافوه وايـمـُر
لا تخلِـط حِـلو يازين وَيْ مـُـر
تِضـَيّّع طعمـَه واتضوگ الأذيه
وَرْدة بـيـضـَه ابظلمَه هـَـلـّـت ـ والـوَرد يـكـمـَـل بـَـدِر
وَرْدة بـيـضـَه يـاعِـشگهَـه ـ عـِشـِگ عـاشگ لِلـگـُـمـَر
وَرْدة بـيـضـَه اومن اشِـمهه ـ ايـفوح من عِـدهـَـه العِـطـِر
***
اگــْـرَبـِـت مِـنهَـه اگِـلهـَـه ـ أگــدَر اشـْـتـَم الـْـعِــطِــر ؟
مـالت او عكنـَـش غصِنهَـه ـ اوزجـرَت ابـوجهي زجِـر
اوصاحـَـت ابچـِـلمة ْحبيبي ـ آنـَـه كِل عـمري انتِـظـر
ماتِـشوف ( الگـاع ) نِـشـْـفت ـ لاسِگاني اولايـُـمـُـر
ماتشوف اشفافي ذبلت ـ نِـشفـَـن اوصارن )صفـر)
ماتشوف اشلون غـِصني ـ مايـل اوعـظـّـه الدهـَر
ماتشوف اعيوني تبچي ـ واعشـگـت ليل السهـَـر
ماتحس حسرات صدري ـ جـِسهَه هالصارت جـَمـر
ها دشوف ادموعي تحچي ـ لـو حچت سـَوّت نـَهـَر
كل يـوم اوأعِـد ليلاه وانهــار
كـلـمـَن داس حـّـبه ابيوم ينهار
دموعي فاضت او بالعـين انهار
تغـَـرگـك ياأبو ذات الـْـرديـّه
تِـنشد إنت ليش ) شفتي ) ـ حَمره ( ياقوت ) اشتهر؟
ماتـُـوچـّـد ليـش صايـر ـ ( دَم ) ولـَـك هذا اوقـهـَـر؟
وَرْدة بـيـضـَه اومن اشِـمهه ـ ايـفوح من عِـدهـَـه العِـطـِر
***
ورده آنـَه اودوم بـيـدك ـ ماأبـد كــَـظـني بـَـشـَـر
ورده آنه اوعِـطر حـُبهه ـ بـَس على اشفافك يـُـمر
ورده آنه اوتاه يومي ـ صبح لو ظهر اوعِـصِـر
ياگلبي الرياح البيـه واعصـار
كل صبح الأذكره دوم واعصار
كل وكتي ابدموع العين اعصـار
أغـَــرّگ بيه كل گاع الثـِريـّـه
ورده آنه اتـريد )مايَـك ) ـ يسـكًي بـعـروًك الجذر
شلـّي بيهه اعـيوني تِعـْـمَه ـ لـو نِـسـَتْ (طـَـرّة فـجِـر)
ذبل وجهي او ياعـَذابي ـ وجـِه ) صايــِم ما فـُـطـَر )
آنه مثل ( ايتيم ) شـارد ـ مِـن هـَـلـَه مات انـْغِـدَر
( شِـته ) اوغايم ، ليش غايم ـ يطلب الصيف الـمـُطـَـر
لو مـُطر صيفي اعله روحي ـ ( زخـّـه ) مابلـّـل شـِـبـِـر
( شيبي ) يسأل عن بَـياضه ـ گام يبـچـي اورد حـُـفـَـر
لِـزم ( شيبـَه ) اوباس لونه ـ اوگـام يـُحـْـفـرلـَـه ) گـبـُر )
ردْت َّاكـَـمّـل خويه شـِـعري ـ زعـَل قـَـلـْمي ـ طـَشـَّـر ابْوجْهي الـحِـبـِـر
گمت طگـّـيته اعلـَـه راسـَه ـ ماأظِـن نـَـبـلـَه انـكِـسـَـر
وَرْدة بـيـضـَه اومن اشِـمهـَه ـ ايـفوح من عِـدهـَـه العِـطـِر


 

 


وَردَه


 
المحامي
عماد عبد الرحيم الماجدي


وردَه امْعـَطـّره ابريحان واگرنـْفـُـل
واعـْيـُونه يغـار الليـل من عِــدهـَه
شگـرَه امكحِـلـّه وارموش تِـتـْـباهَه
واتـْعارك كِحلهَه ايغار من حـَدهَـه
اخدودَه بالوجه شـِمـّـام إي والله ـ تعال اشتـَم ولك شمّام من خـَدهَه
واسنونـَه تِـنعـثـَـر (دِر) يغيض الناس
خِـتـل حَدر الحلِگ وايْـبوس شِفــّتهـْـَه
فوگ الشفـّه خالْ او هاليعِـط نِعـْناع
اًقصِد شامَـه للخـَديـن ضـَوّتــْـهـَه
بسيوفـَـه العـَـلـَت عـيـنيـن يـتغـاوَه
حُواجب لو رمَت ياعاشگ احـذرهَه
ياعِـطر البنفسج والعِـطِـر فـَـوّاح
هَيعـونـَه الـْـيفِـز بالليل وايـِْـشمهـَه
ياعـود السفـَرجـَـل من تميل اتميل ـ تـِتغـاوه غـَـنج والگاع مالمهَه
وحق الحق والحق اليحِق الحق ـ كل احقوق هذا الكون من حـَـقهَه
***
نظراتـَه سهـَم وايـْرامي بيه الـْـناس ـ أتمنه سَهـَم بالرّوح وايـْشِچهـَه
چـلماتـه غـَـزل واتـْـحارب العِـشاگ
طلاسِـم ماأظِـن كِـل واحِـد ايـْـفِـلهـَه
واعيونه غـُموض اتگـول حـَـزّورات
حـَـزورة ْعـِـشگ ماتگـدَر اتـْـحِِـلهـَه
وازلوفه اگـعِـدَت ياصبّه عَ الـْمتنين ـ جدايلهه اوگعت بالزلف شدّتهَه
غصن البان مِتسّيد على الأغصان ـ شجرة هيل حَسرَه اعليك شَمـّتهَه
أحـْسبهـِن رموش العـين واويلاه ـ كل شعـره رُمُح واتـْرامي نـَـبلتهَه
ياريـجـَـه عسل ماسوّته النحلات ـ كل هذا العـَـسل ياصـَبـّه من عِـدهَه
بلبل لو حچت واتغرّد ابكل روض ـ سِمْعـَتهـَه البلابل نِـست غِـنوتهـَه
***
يامزيون يـَمـْضمـّر يـَبو الشامات ـ يطرزَن بالعِـشِگ تـُـفاح البخـَدّه
لوعـينه فِـتحهَه البحـَـر من ايموج ـ يتراگـص ابعينه الموج يـِتـهَـدّه
غرنوگ اويباهي حِـسنه بالغزلان ـ نوبات الغــَزال ايغار من صـَـدّه
ياحِسَّه العـَزف من يحچي بالچلمات ـ بالناي الـعـزف والعود يتحدّه
مُهـرَه امضمّره واتـْـفزز الخيـّـال ـ تِـتمـَشـّه ابغـَـنج للغـَمزه تِـتـفـَدّه
لو سَهمه رمَه من قوسـَـه نِشّابات ـ يضربك بالگلب ماتگـدَر اتـْصِدّه
والنوب الدمع لـو طرّز الـخدّين ـ ليلو اودر تِنعثــَر فاض من عِـنـْـدَه
ياشامـَه اوتريـد اتعـارك الـِـشفــّـات
وارضاب الـْشِـفايف عَسل هالـْـنـَدّه
***
تلاگينـَه كًـعـَدنـَـه اهواي فوگ اهواي
والشاهِـد گـمَر مـَـذبـُـوح مِـن گــَده
وانـْجـُوم اوسُـكـون الليـل وامْهـامَـس
كل الليـل آنـَه اوياه سهـْرانـين ماهِـدّه
دگ گلبي ، اوسِـمعـْـته ايگـول يتـنهـّد
غِـزاني الشيب شوف الراس اوتـْعـَدّه
واتذكر سوالفـْـنه ابتوالي الليل للغـبشَه
مامش نوم نتسحـّر ، إيد ابإيد نِـتغـدّه
وَعـْدّل زلفـَه من يـِهـْدل على المتـنيـن
جـوريـّه الـْورد واتـْـشابگ الـْـشَـــدّه
يـابويـَه الورد ضيـّع حـروف إسْمـَـه
سأل عـَـنـّـه الإسم ؟ گال الإسم وَردَه
جـِبـَل إنت يـعالي او ماإلك منـْهـَه ـ جـِبل عالي ينِـشدك إنت مـَتـْـنِشـْـدَه
بهـْداي اوهـِمَسْت ابإذنه احبنـّك ـ رجف كلـّه رجـَف صاح اوطلب نجدَه
ياويلي على المامش عِـشِگـنـَه ايـْنام ـ يتغـَـطـّه ابدَمِـعـنـَه والسَهـَر هـَـدّه
***
ياويلي العِـشگ لو بـَـلـّـل الـْيمـْشون
مثل صيف المطر وايخاف من رعـدَه
مثل فاس الـْحـَفر من يحفـُر الگـيعان ـ وابگـاع الحـَفـُر بيهه انكِسر ربـْدَه
تالي اشلون گِـتله اشلون گال اشلون ـ ألف اشلون واشلون اوبعَـد بـَعـده
زرعـينه العِـشًگ نِتـْـنـَـطر المزنات ـ ياوسفه زرعـْـنه والثــُمـَر (سِـعـْـدَه(
حـَط خـَدّه على اخدودي اولچعـني الشوگ
لـَــز خـَـدّه اعـْـلـَـه خـَـدّي ياحِـسِـن خـَـدّه
گًلـّي اشلون شـَيّبنه او سِـحگـنه الرّيـل
فراگينه اتـعـِبَـت ، لِلـضيـم يـِـتــْعــَدّه
گِــتـله اصبَـر عِـشگـنه الموت لبنادم
هـَـم شفت الـْـيموت ايـگـوم من لِـحدَه؟
وردَه انت يبعد الروح يالـْورده ـ هم شِفت الدَغـَل مَـرّه انـْگـلـَب ورْدَه؟
***
شـُو دَمعـَه اجَـت طـُـفحَـت على الخديّن
شربـَـن مِـن رموش العـيـن دَمعـَـتهـْــَه
اشوف اجبال واتـْحَركت تريـد الگـاع
زلــْزال اورعـَــد ياصَـبّـه عـَبــْرَتـهـَه
بچـيت اوياه وادموعي تِـطِـر الـْزيـج
ارموشي اشبگـَـت يابويـَه كِحـلـَـتـْـهـَه
أشوفن بيهه ، چَـنهه اتعاتب العِـشاگ
حـُب چـلمَه چـِـبيره اتـْـبوس شِـفـّـتهَه
من اتحِـب يخويـَه گلبك اتـْخـَـلـّيه ـ رهـينـَه لِـلـْـيحِـب والعـْيـن تِـرهـَـنهَه
واتـْـرافـُس تِـظِـل بيد الـْطِفـِل خلـوّك ـ طـيرَه اوماتـِگـول أحـّاه ويهـِـدهَه
أسَـلـّْمَ امري للخالق يـَبعـْد اچلاي ـ هذا الله اويـِخِـط لِـلناس قِـسْـمـَـتهَه
لكن والله والخالِـق سَـبِـِع گامات
أزف روحي ابْـچــِفـَن بـِـشـْموع زفــَّّتـْـهـَه
وخلـّيهَه الهـَلاهِـل چنهه طگ الـْچيل ـ أهـَلهِـل والـِدمع بالعـين نـَشفـتهَه
ورده امعطرّه ابريحان واگرنفل تراه ايفوح
واعـْـيــونـَـه يـغـار اللـيل من عِــــدهََـه




..

 

 

 

 



إلـْـمَـن أحـِـن ...؟

المحامي

عماد عبد الرحيم الماجدي

شيخنا واستاذنا ومعلمنا (مظفر النواب) ، أهديك بعض من قصيدتي إلى مقامكم ، متمنياً لك من الله الشفاء العـاجِـل ، والسعادة والتوفيق ... شيخي وسيدي ...!

إتـْـگـلـّي حـِـن .. إلـمن أحـن ..؟
چـِلـمـة ْعِـشِگ
مَـكـتـُـوبـَه وابـگـلـبـك چـذب
تـِحـفـظـهـَه واتــْرد تـِمـتـِحـنْ
تــُفـرض عـلى إعـيوني البَـچـي
تـرخِـصني بـس ) كت الدمع )
واتـگلـي دَمعـك تـِشتِـرط حـَد الجفـن
چـذاب ما تـعــرف تـِحـب
العـيـن ما تعـرف غـُـمـَـض
والسهَـر يُـحـفـر بـالجـِفِـن
واتگـلـّي حـن ... إلـمـن أحـن ؟
***
أسْكـر إبـدمع الـماهـجَـر ـ عــيـنـَـه ولا تِـگـدر تـِكِـتْ
إبـتـوت گـلبي إتـگطعـّـت ـ تِـتـمَرجح أوبـيهن تـِعِــت
حـبّـك ولك مامـِش دفــو ـ جَـمـرات چـانـونـه غـُفـَتْ
واحـترگ كِلـشي اوداعِـتك ـ گبـّت فـَحم وَج اوهِـفـَت
واعـيوني من دردك عِـمـَـن
والـدمع يـغـفـِه إعـلـه الجـفـن
وابكِحـلـَه يـبچي أويـستـچـِـن
تِـشمَـت ولـك واتـريـد أحـن
حـب الــفـخـاتـي ابـصـيـف وايـگـوگي الـظـهـِـر
مـَتعـوب مِـنـّك مايـمِـل ـ مو مـِن عـِـطـش هـَـدّه الهَجـر
والـْعـشَّـه يـِربي أوماغـُـمـض ... والـْــفـيّـه حــَـن
واتـْـگـِلـّي حـِـن ... إلـمـن أحِـن ؟
***
حـبـك صَـلـِف... سـچـّـيـن وابـْـشـَحـمـَه تــِگِـص
ما أگـــْـدر أمـنـعـهـه ولـك ـ عــيــب آنــه احـِــس
حُـبك كـلِف ماتعـترف ـ مـَيـْـتـَه ولـك مامـش نـِفـَـس
سايـح ضِـعِـت حـَدرالـتـبـن ـ خـلـيـنـي نـايــم بـالـجـفـن
واتـغـطـّه بـرمـوشك غـَـنـج
واضلوعي تِـردسهـِن ردِس
تِــرگِـص عـَـليهِـن مـاتِـفِـح ـ گلـبي اعْـلـه گـلبـك لِـلصـبح
يـتـْلاومن ... يتعاتـبـن ... مابطـلـّن
تــنـساني واتـفـرگـَع دهـِـن
واتــشلـبـَه بـزلـوفـك مِــسـچ ـ واتـلـولـح إبـرمش الجـفـن
يـادمع عـيـني اشـمـاجـره
أتـحـَــنــّه بـچـفـوفِـي وشـِـم
وارگـص عـلى ادفـوفــَـه أمل ـ من الجـدم حـَـد الـمَـتـن
خـلـّيـني أسْحـن بـالـدرد
أمسح إدموعـي إبـحـَسـرتـِي ـ كِل ساعَه ادِگ يومِـيّـه أون
واتـريـد أحـن ...! إلـمـن أحـن ... ؟
***
أضفـُـر ابروحي اگـصيبتـَـك
حِـطـني مِـسِچ ، لو ماي أروي الغصتك
حِـطـْـني رشوش ابگِـذلِـتِـك
واظـْفـرهـَـه من فـوگ الزلِـف
حـَدر الخِـصِـر
واعدلهه من حـَـدر الخـَـصر ... فـوگ المـَـتِـن
عـَـنبـَـر امْهيـّـل ياتـَـرف
ماي إنت عيني الشَهگتِى ـ والـْماي آهـاتـَه جـُرُف
حتى الـْجـُرُف طـيـنـَه حـِزن
واتـْـريد احِــن ، إلـْمـَن أحِـن؟
***
( جـفـنـك نـبـض فـراشـه غــض ) ...
إنـت الـنـبــض
والـگـلـبـي مـرعــد دگــتـــّه
والـجـفـن بـعـيـونـك غـُـمـَض
إنت الـنبض ... وشفافـك إتـنـگـط شـهـَـد
يـاريـجــك الـْـكِـلـّه عـَـسَــل
إمهـيـّـل إشـمَـحـلـه الـطعـُـم
وابـروحي أبـداً مـاحــمـض
چـانون مايهـفـت أبـد ـ ناره سـِرت حدر الـچـبـد
ابـروحي وجـّـت لـهـبــتــه
وارمـاده بـضـلـوعي ربــَض
إرحـمـني يـالـكِـلـّــك سجـن
وانـت أوحـديـدك والـهـجــر
والدنيا والوادم سِــجِـن ـ ياجرح روحي الـمايچـن
إتـريد أحـن ، شـُو ماأحِـن ... إلـمـن أحـن ... ؟
***
اعـيونـك ولـك ) غـابـة نـخـل )
مـامـش ( بـدر ) يـِــشعـَـر بـعـد
يحسبـلي ساعـات السَحـَــر
السَعـَف من رمْشك خِجَـل ـ إعـْثوگه طرّزهـَه الـذهَـب
قـِــداّح وايـعـِط كـل وكِـت ـ عـِطـره ولـك مالي الدَرب
الـشـتـه صيـف ابـغـابـتـك
والـصيـف تـمـوزه گِـظه ـ طـگـّه العـطـش مامش رجـَه
حتى ولا نـگـطـة ْمُـطـر
يا صـيـف بـلـّـلـني چـِـذب
تـكـفـيـني بـس نِـگـطـة ْعـِشـگ
ِتـسـگـينِي والـْـكـِل الـعـمـر ـ والـهـور غـنــّه إمـن الـشعـِـر
( نَــوّاب ) وَردك مـا ذبَــل
لا ضـگـنـه گـيـمـَـر سـَــدتـَــك
لا شـمـعـه تـضـوي إبـزفـّـتـك
والـرّيـل ( يَـمـْـظـفـر ) تـعــَب
واچـْروخَه تِـتعـَب ما تِـمِل ـ بَس ماتـِچـل او لاتِـون
إطـْـحـيـن بـردي ابلاعِــشـگ
مايـخــتــمـر ... لايــنـخــبــز ... لايــنـعــجــن
إتـريـد أحِــن ... ! لآ ماأحِــن ... إلـمَــن أحـِـن ..؟





إشـــــــگــَـد بـچـــيــت !؟
المحامي

عـــمـاد عبـد الرحيم الـماجدي

مادريت أو مانسيت ، إتـذكـريـّـت ، إشـگـَـد بـچـيت
هـَلي وامْصنصَّل أصلهم ـ هلي وامْعطـّـر هِـدمهـُم
هلي يا (خمرة الدنيـَـه) ـ هـَـلي يالصافي ذهـَـبـْهـُم
هلي يا دَم يـمـْـشي بـيّ ـ هـلي دمـّي وآنـَـه دمْـهـُـم
هلي ياشـَمس الحـَبايب ـ والگـمَـر لـيـلـيـّه عِـدهـُـم
عـَهـَد گِـشطا اورستـه بيضَه ـ ابراخـَه والدرفش علمهُم
امـروّه والنخوه اوشهـامه ـ والـشَـرف مَعـروف عِـدهـُم
هـلي يا (سيف المجـَرّب) ـ بالـْـفـلـك يـِـزهي عِـلـُمـهـُم
هـَـلي ماخـانـَـو أمانـَـه ـ اولا أبـَـد خـانــَوْ عـَـهـَدهـُـم
(يـَـردنـَه واصبـاغـَه) بيـهـَـه ـ آمـِنـَـوْ ، بـُرخـُوْ الـرَبـهـُم
اسـبـاع واصـگور اوغيارىَ ـ لا (فلك) يـگـدَر ابحـَدهـُم
حضن أهلي أوبيـه أدفـه ـ حضن دافي او بي دفِــيت
أعـصِـر اعيونـي واگلهه ـ ليش بيـچـَـن هالـْـبچيــت
مادريت أو مانِـسيـت ، إتـذكـرّيت ، إشـگـَـد بـچـيت
***
إذكـِـر اخبيزة أهلنـَه واذكِـرالرصـّاع والمحروگ اصِبعـَه
واذكـر (اصبور) العـوافي ـ و (الـتمـَـر) هالـطاح دمـعـَـه
واذكر امـشابگ أهلـنـَـه ـ غيـرَه تِـشبگ خـويـَـه رفـْعــَـه
واذكـر ابـْخــُوّة أهَـلــْـنـَه ـ لـو وگــَع ، اتــْـشـيـلــَه رَبـعـَـه
واذكـر الصبـّـه اوطعـُمهـُم ـ عـَسل صافي ابـغـيـر لـَسـعـَه
يا (زلال الـماي صبـّـي) ـ (نـَـهـَر يـِـدفگ) وهـُـم نـَـبـْـعـَه
واذكر ابضَيْ الصبيبي ـ إبـدَرب ظـَلـمَه لـَـهـْـلـَـه شـَمعـَـه
صـَبـَي طبـعـه العِفـّه طـبعـَـه ـ من ِيـمـوت ايْـزول طبـْـعـَه
أمـّه صـَدْرُ امـّـه الأمـانـَه ـ وانـْـفـُطـَم من رضـَع رضـْعـَه
الـِـسـْبوع ابـْـيـوم سادس ـ صبـّي الاحـّـد كِـمـَل سـَـبـْـعـَـه
لـكِـن او ياحِـيـف لـكـِن ـ (مـَرگِـنـَه) اعـْـليهـَه انـْـتـِِـچـيـت
(أرضـَه) ياصبـَه اوكـَـلـَـتهـَه ـ بالـبـُقــَه منـْهـَه احـْتِـمـيـت
واصرخِـت (ماري) اوندِبـتـَـه ـ وابـ (يـهانـَه) اتــشفِـعـّيـت
مادريـت أو مانِــسـيـت ، إتـذكـريـّـت ، إشـگــَـد بـچـِـيـت
***
وارجعِـت والله اوبـچـيـت
شِـفِـت (دجـلـَـه) ابـرجـلــَـه رافــَس
عَ (الفـُـرات) ايگول أخوي اومـادريـت
أجـروفـَه شـَدهـِن عـلـَـه امـَيـْـتـَـه
گـال دَمـْـعِـي هذا كِـلـّـه اومابـِـچـيـت
لاأبـَـد لـَـتـْـصدّگ ابـْـچـِـي ـ وآنـَـه بضـلوعـَـك غـُـفـيـت
(دجـْـلـَـه) يـَحـْبـَيـّب أحِـبـّـك ـ وابـْجـِـفِـن شـَطـّـك رُبـيـت
(دِجـلـَه) طيـنـَه اوحِضـَن مـايـَه ـ ابـْطـيـنـَه والله اتـكحـِلـّيت
اعـشـَگِـت (تِـربـان شـَطـّـك) ـ والله ، وابنارَه انـچـويـت
والله مـَجـنـُون ابـدلالـَـك ـ هـذا (مـَرْضِـي) اومابــُريـت
ماتـمـوت انـْت يـدجـْـلـَـه ـ ابـْـكِـل كـِـتـُـب الله قـِريـت
إتـغربيت ، اتمرمريت ، اودمّـعـيت ، اشگــَد بـچـيـت!
***
شـُـو أشـوف (الـْـبصره) تبچي ـ نِـشـَف دَمـْـهـَه وانطـُفـيـت
والأهـَـل بالـْـبَصرَه گِـعـدَوْ ـ صـاح (دَمـهـُم) هـَـالإجـيـت
گِـطرَه گِطره اوهـالـْجِـرَه ايبوس الِگــْويعـَـه
اوصـاحـت (النخـلـه) ارتِـويت ، اومـا بـچـيت
اوصاحـَن (اعـثوگ) اعلـَه مِنجـل ـ ابـمِـنجل اعراقـك حـويت
و (الـمـْعـَـسـّـل) عـاف (تـَـنـْـكـّه) ـ (اعـراقي) گال اوعـَسّـليت
سـَعفك انت اضلوع روحـي ـ (بـربـَن) انـت ، واشـْتِـهـيت
أنــْسـَه إسـمـَـك ؟ (دجـلـَـه) إسـمي اومانِـسيـت
اشـگد بـچـيـت ! اومابـِـچـيـت
***
آخ يا (دجـلـَـه) شـَمِعـتـي ـ طـفـَت وانت أبـْداً ماطفـيـت
إنـت عـالي او(ماي عالي) ـ (بيرغ) اوتِـعـلـَـه اوعِـليـت
آخ يا (لـيلـَـك يـَدِجـِـلـَه) ـ كِـلـّه (ضاوي) اوهـَالـْضـِـويت
نـَـگـّط ابـحِـضـنـَك أمـوتـَـن ـ نِـگـطـَه مِنـّـك وانـْـتِـشـيت
تـُبقى خـيـر اوخـيـر إنـت ـ اشـكِـثِـر من خـيـرَك حـُـويت
(دِجـْـلـَة الخـيـر) انت دومـَـك ـ خـيـر تِـنـطـّي اونـَبـّعـيـت
أفـْـديـوَه (يادجـلـَه) وصـيـتِـي ـ (ذمـّـه) آنـَـه اوذمـّـمــيـت
أنـدِفِـن بـِـتـراب جـُرفـَـك ـ مِـن يـِـجِـس (چـفـْني) احـتييت
إتـغربيت ، اتمرمَـريـت ، اودمّـعـيت ، اشگــَد بـچـيــت!
اومـابـچـــيـت


 
  عدد زواراليوم 217238 visitors (432788 hits) مرحبا بكم  
المواضيع المنشورة لا تمثل بالضرورة رأي موقع عصافير، و إنما تمثل وجهة نظر كاتبيها
جميع الحقوق محفوظة لموقع عصافير
 
 
Bookmark and Share www.3safer.de.tl ,münchen, mandäer, irak 2010, صابئي , صيبي, مندائي, م, شعر عراقي, كاظم الساهر, حبو غزل, تعارف, طرب, افلام عربية, قصص, ابوذية, مسجات, ردح, اغاني, ص, ع, ا, ك, باجه, جاي و سمك مسكوف, دولمة, التكبر , التواضع , احبك, برازيليِ
Diese Webseite wurde kostenlos mit Homepage-Baukasten.de erstellt. Willst du auch eine eigene Webseite?
Gratis anmelden