edmilia.tk <body> </body> google-site-verification=Xz06IR0Fyb2MKO7FygwFviEwK6XKl7AUITzo_UlSHGQ الـــحــب الحب أجمل ما يوجد في هذه الحياة بدون الحب لا توجد حياة فالحب أسمى معاني الحياة وللحب أشكال كثيرة ومعاني أكثر لكن أروعه حب الأبوين حب الأم وحب الأب فلولا هذا الحب لما وجد الحب أصلا
   
  عصافير
  إذا چـان إذا صــار
 

إذا چـان ... إذا صــار

المحامي
عماد عبد الرحيم الماجدي

إذاچان (العـُمـَر) يـِـنـْعـَـد بـالايـّـام ـ نخاف الموت ليش اونِحسِب احسـابـَه؟
إذاچان الوكِـت (غِـنواته) هـَدّ الحيل ـ خـَل اندگ (طبل) نعزف على اربابـَه
إذاچـان (الوكِـت) مأمونـَه بيه الـناس ـ عليمن هالـبشر يحـزن على احـبابـَـه؟
إذاچـان (الوكِـت) توّبـْنـَه من الـويـل ـ نچـويهَـه (الإديـن) انـريـد عـِطـّـابـَه
إذاچـان الوكت يتـزوّج امن الـْـبـيـن ـ لازمـْنـََـه نِــروح اعـليـه (خـطـــّابـَه)
إذاچـان الوكِـت مكتوب بـيه الضـّـيم ـ خـَـلــّونـَـه نِـمـَزّق ورقـَـه واكـْـتابـَه
إذاچـان الوكت حـَط (السبع) بـشْبـاچ ـ ليش انخاف خـويه (السبع) وانهابـَه ؟
إذاچـان (الوكت) يبخـَـل علينه ايگـوم ـ خـلـّـونه نعـوفـَـه انـْسَـدسِـد ابـوابـَه
إذاچـان الوكِـتْ مثل (الگـبـُر) ناطـورـ خـل نِـبچـي عـَـليه اونِـنگِـل اتـْـرابـَه
إذاچـان (العـُمـَر) يـِـنـْـعـَـد بـالايـّـام ـ نخاف الموت ليش اونِحسِب احسـابـَه؟
***
إذا صار الوكت يحتـُرم (ثـَعـلب) ليـش ـ طـبعه ايـبـَـدلـّه اومايـسكِـن الغـابـَه؟
إذا صار الوكت (غرنوگ) بيه إيصيرـ (ريشـه) ايهلــّسه يتحسـّد (اغـرابـَـه)
شـو صار الوكت بيه (الديوچه) اتبيض ـ و(اشـباه الـْـزلم) تِـلبـَـس العـصـّـابـَه
إذا صار (الوكت) بـيهْ الأمان إيـْصيـر ـ تِـحرس بالغـَـنـَم ياخـوتي (الـِـذيابـَه)؟
شو صار الوكت لو ترمي بيه القوس ـ يرجعله (السهـَم) وايصير (نِـشـّابـَه)
إذا صار (الوكِـت) يـتسيـّد الطيـبـيـن ـ يصير السيف اغم وايموت بـ (اگرابه)
إذا صار الوكت (مَحلوب) موش احليب ـ تگـطـِّع كل حـَليبـَه (شچوة اجرابـَه)
إذا صار (الوكت) يتگاوه ويّ الـزين ـ يگوم (التيس) خويه ايحِـبـّـه وايهابه
إذا صار الوكت بيه او(نِـزيزه الگاع) ـ يـنـذل (الورد) واتـْطگطِگ اعـشابـَه
إذاچـان ( العـُمـَر ) يـِـنـْـعـَـد بـالايـّـام ـ نخاف الموت ليش اونِحسِب احسابـَه؟
***
إذا صار (الوكت) مفگوسه بيه العين ـ يتـْعارك (جـِـفنهه) اويهجـِر اهـدابـَه
إذا صار (الوكت) لامـَعـنه بيه اوفود ـ (مـُـوت الـواحِـد اوتِـتـْعـَـدّد اسبابـَـه)
إذا صار (الوكت) يـتـنكـَر الأنـْساب ـ شريف ايضيع اسْمه اوضاعت انسـابه
إذا صار الوكت مَهجوره بيهه ابيوت ـ يگوم (البوم) يتبطـّر على (اخـرابه)
إذا صار (الوكِت) بيه التوازن مات ـ (عگروگه) اعله (رگ) اتشيخ مـَتـْهابه
إذا صار (الوكت) ظالم اومو مظلوم ـ يـِتبـَرّه الـْـكِـتل و (العيسى) صـلاّبـَـه
إذا صار (الوكت) إيـْبـَرّي بالـمـَظـلوم ـ تِـهِـب الناس كِـلهـَه اتصيـر نـَهـّابـَه
إذا صار (الوكت) يتغاوه ويْ عشـّاگ ـ يـِهـِد اعلـَه (الگمـَر) وايطلبـَه بـطلابـَه
إذا صار (الوكِت) حبـّاب مرّه ايصير ـ يظِل (مَسحور) دايخ ضيّـع (احجابـَه)
إذاچان ( العـُمـَر) يـِـنـْعـَـد بـالايـّـام ـ نخاف الموت ليش اونِحسِب احسـابـَـه؟
***
غـَمـّه من (وكت) والغـَمـّه للماشاه ـ (مومن) مايصلي اوعاف (مِحرابـَه)
مامِـش كِـل أمان ابهالـْـوكت يـانـاس ـ غـَـمـّـه من (وكِـت) يتباهَه بـِچـلابـَه
(دنـْياتـَـك) وكِـت ، والوكِـت هم دنياك ـ (چرغدهه) انتكس وانباگ (چلابـَّه)
دنـْياتـَـك وكت چـَن (گرعَه) بيهه اخبال ـ تِـتـكاتـَل (زلمنـَه) اعلـيهـَه رَغـّابـَه
دنـْياتـَـك يـَصبّـي چـَالضَـبُع جـوعان ـ (فـضلـَه) من يشوف ايكـَـشـّر انـْيابـَه
(دنـْيـاتـَـك) تِـجـارَه والـْـتجارَه اتـبـُورـ تـاجـر لو فِـلـَـس ، إيْراجِـع احسابـَه
بيهه (الـشوك) يـزعل لوكـُبـَر بالگاع ـ إذا (التنـّور) عافه اومات (حـَطـّابـَه)
إذا (المُهره الكحيله) عاشرت (كِدشان) ـ تِتناسَه (الفـَرس) واتگطـّع (ارچابـَه)
ياويلي (الوكِت) ضيـّعـنـَه بالحَسباتْ ـ ضاعـَت (خوّتـَه) ، والـْمات (عـَرّابـَه

)
اصواب (الوكت) ماضي اويريد احساب ـ مـَتـْحِـسه أبـَـد ياحِـرْگــَة ْاصـْوابـَه
طـِرگاعـَه الوكِـت لوطرگع اعله الـناس ـ سواديـنه غـَـضب وامشگّگ اثـيابـَه
إذاچـان (العـُمـَر) يـِـنـْعـَـد بـالايـّـام ـ نخاف الموت ليش اونِحسِب احسـابـَـه ؟



 
 
  عدد زواراليوم 162722 visitors (342975 hits) مرحبا بكم  
المواضيع المنشورة لا تمثل بالضرورة رأي موقع عصافير، و إنما تمثل وجهة نظر كاتبيها
جميع الحقوق محفوظة لموقع عصافير
 
 
=> Do you also want a homepage for free? Then click here! <=
Bookmark and Share www.3safer.de.tl ,münchen, mandäer, irak 2010, صابئي , صيبي, مندائي, م, شعر عراقي, كاظم الساهر, حبو غزل, تعارف, طرب, افلام عربية, قصص, ابوذية, مسجات, ردح, اغاني, ص, ع, ا, ك, باجه, جاي و سمك مسكوف, دولمة, التكبر , التواضع , احبك, برازيليِ