edmilia.tk <body> </body> google-site-verification=Xz06IR0Fyb2MKO7FygwFviEwK6XKl7AUITzo_UlSHGQ الـــحــب الحب أجمل ما يوجد في هذه الحياة بدون الحب لا توجد حياة فالحب أسمى معاني الحياة وللحب أشكال كثيرة ومعاني أكثر لكن أروعه حب الأبوين حب الأم وحب الأب فلولا هذا الحب لما وجد الحب أصلا
   
  عصافير
  لـو ضاگــــت
 


لـو
ضاگــــت

المحامي

عـمـاد عبد الرحيم الماجدي

لـوضاگــت اتـنـَطـّـر فرج ـ مامش حياة ابلا أمَـل

إيـكـَـدرك ايـسـِرّك زمـَن ـ والدنيـه ياصبـّه دُوَل

والبشر لو مات اورحـَـل ـ بس يبقه من ذكره العمل

والهيي لو يطغه البشر ـ مايهمل ( الهيي ) مِـهَـل

مطلوب نتعـَـلم درس ـ انـشوف شيسوّي (النمل)

بالصيف يجمع (ماچلـَـه) ـ بالشته (الماچلته) أكـَـل

لاتلعـَن الظلمه اوتِـسب ـ خلـّيك شمعه اوتِـشتِـعـِل

كل لعب بس تالي بعـَد ـ بـَعد اللعـب جـاي الأجـَـل

هِـنيال كِـلمن هالوكت ـ وَردَه زرَع بـيـده شِـتـَـل

مثل (النحل) تدري النـحـَل ـ ياكل ورد ينطي العسل؟

لـوضاگــت اتـنـَطـّـر فرج ـ مامش حياة ابلا أمَـل

***

البشـَـر لو يحلِـب صدگ ـ إهـلال وابظلمه يـِـهـِل

لو حِـلب غِـش اوماصدگ ـ (مگداره) بين اهله يـِقِـل

مو (جمل) وايحمـّل ذهب ـ (عاگول) تاليهه الأكِـل

(البشر حيوان الطبع) ـ بـَـس الفرق تدري العقـِـل

لـو فـُقـَد عقله اومانصح ـ (اجريدي) يتشلبه الـنخـَـل

لوضاع (مفـتاح العـقِـل) ـ ماتِـگـْدر اتفـك العـَـقِـل

والدهر لو دگ البـشـَـر ـ (دگ الحديد) اوهـَمْ يـِـفـِـل

الصبي ضِـلعك لو وگـع ـ لبـّيـلـَـه مِـنـّـك لـو سـِـأل

(الصبـّه) مابيهـُم غـُرب ـ الصبـّـه ، ياصبّـه أهـَـل

إن تبني سـاسـَك غـَمـّجه ـ إبني ابصخـَر موش ابرمـُل

والينكر اهله اوصبـّتـَـه ـ صـَدّگني ماعندَه أصـِـل

***

الـصـبّه بيتك حـَصـّنـَـه ـ عـامِـر اوعِـمدانـَه تِـظِـل

الـْماإلـَه بيت اويـچــِن ـ إيعـيش كل وكـتـَه (نِـزل)

والثِگـَل حِـمله امن التعب ـ بـَسْ هـَلـَه ايشيلون الحِمِل

مـَحـّـد نِطـه اعيونه إلك ـ تِـبچـي تظِـل بيهه اوتِهـِـل

(الدنيه) ، خطـّار البشَـر ـ بيهـَه اوعـليهـَه يـنـْـسِأل

لـو ضاگت ابعينك يـَخـَيْ ـ (غيمَه) تـَرَه ابصيف اوتِـفِـل

تِـفـرج او (آدم بو الفرج) ـ يحـْميـك وايـْـعَـدلِ (العِـدِل)

مامِش (صعب) لو تلتـزم ـ الصعـُب عِـد (هيي) سـَهـِِـل

إرشم اوأبـرخ كل (فجـِـر) ـ صـَدّق اوصوم او لاتِـمِـل

لِـلـْـواحِـد اشهـَد لِـلأحـَـد ـ لاتِــنـسـَـه ياصَـبـّي الأجـَــل

لــو ضاگــت اتـنـَطـّـر فـَـرج ـ مامِـش حـَياة ابـْـلا أمَـل

 

 
  عدد زواراليوم 162722 visitors (342901 hits) مرحبا بكم  
المواضيع المنشورة لا تمثل بالضرورة رأي موقع عصافير، و إنما تمثل وجهة نظر كاتبيها
جميع الحقوق محفوظة لموقع عصافير
 
 
=> Do you also want a homepage for free? Then click here! <=
Bookmark and Share www.3safer.de.tl ,münchen, mandäer, irak 2010, صابئي , صيبي, مندائي, م, شعر عراقي, كاظم الساهر, حبو غزل, تعارف, طرب, افلام عربية, قصص, ابوذية, مسجات, ردح, اغاني, ص, ع, ا, ك, باجه, جاي و سمك مسكوف, دولمة, التكبر , التواضع , احبك, برازيليِ